newsics.com
ಬೆಂಗಳೂರು: ಜೋಡಿಗಳ ಪ್ರಯಾಣ ಸಮಯದಲ್ಲಿ ತಮ್ಮ ಖಾಸಗಿ ಸಮಯ ಕಳೆಯಲು, ಯಾರ ಕಿರಿಕಿರಿ ಇಲ್ಲದೆ ತಬ್ಬಿಕೊಂಡು ಪ್ರಯಾಣ ಮಾಡಲು ಸಿಲಿಕಾನ್ ಸಿಟಿಯಲ್ಲಿ ‘ಸ್ಮೂಚ್ ಕ್ಯಾಬ್’ ಆರಂಭವಾಗಿದೆ.
ಈ ಕ್ಯಾಬ್ ಮೂಲಕ ಪ್ರಯಾಣ ಮಾಡುವ ಜೋಡಿಗಳಿಗೆ ಯಾವುದೇ ರೀತಿಯಲ್ಲಿ ತೊಂದರೆಯಾಗದಂತೆ ನೋಡಿಕೊಳ್ಳಲಾಗುತ್ತದೆ. ಕಾರಿನ ವಿಂಡೋ ಒಳಗೆ ಕರ್ಟನ್ ಬಳಸಲಾಗುತ್ತದೆ. ಇನ್ನು ಡ್ರೈವರ್ ಹಾಗೂ ಪ್ರಯಾಣಿಕರ ನಡುವೆ ತಡೆಗೋಡೆ ರೀತಿ ವಿನ್ಯಾಸ ಮಾಡಲಾಗಿರುತ್ತದೆ. ಎಸಿ, ಶಬ್ದಗಳ ಕಿರಿಕಿರಿ ತಪ್ಪಿಸಲು ನಾಯ್ಸ್ ಕ್ಲಿಯರೆನ್ಸ್ ಸೇರಿದಂತೆ ಹಲವು ವಿಶೇಷತೆಗಳು ಈ ಕ್ಯಾಬ್ನಲ್ಲಿವೆ.
ಜೋಡಿಗಳ ಅವಶ್ಯಕತೆಗಳಿಗೆ ತಕ್ಕಂತೆ ಈ ಕ್ಯಾಬ್ ಕಾರ್ಯನಿರ್ವಹಿಸುತ್ತದೆ. ದಿನಪೂರ್ತಿ ಕೂಡ ಇಡೀ ಬೆಂಗಳೂರನ್ನು ಜೋಡಿಗಳು ಈ ಕ್ಯಾಬ್ ನಲ್ಲಿ ಹಾಯಾಗಿ ಸುತ್ತಾಡಬಹುದು.
ಜೋಡಿಗಳ ನಡುವಿನ ಪಿಸುಮಾತು, ಶಬ್ದ ಕೂಡ ಕೇಳಲ್ಲ. ಜತೆಗೆ ಎಸಿ ವ್ಯವಸ್ಥೆ ಕೂಡ ಇರುತ್ತದೆ. ಜೋಡಿಗಳು ಹೇಳುವ ಯಾವುದೇ ಸ್ಥಳಕ್ಕೆ ಎಷ್ಟು ಹೊತ್ತಾದರೂ ಕ್ಯಾಬ್ ತಲುಪಲಿದೆ. ಒಟ್ಟಿನಲ್ಲಿ ಪ್ರಯಾಣದ ಜತೆಗೆ ಪ್ರಣಯಕ್ಕೂ ಅವಕಾಶ ನೀಡಲಾಗಿದೆ.
ಸ್ಟಾರ್ಟಪ್ ಕಂಪನಿ ಈ ಕ್ಯಾಬ್ ಸೇವೆಯನ್ನು ಬೆಂಗಳೂರಿನಲ್ಲಿ ಮಾತ್ರವಲ್ಲ, ದೆಹಲಿ, ಮುಂಬೈ ಮಹಾನಗರಗಳಲ್ಲಿಯೂ ಒದಗಿಸಿದೆ. ಸ್ಮೂಚ್ ಕ್ಯಾಬ್ ಬುಕ್ಕಿಂಗ್ ಗೆ ಒಂದೆಡೆ ಬೇಡಿಕೆ ಹೆಚ್ಚಾದರೆ ಮತ್ತೊಂದೆಡೆ ಭಾರೀ ವಿರೋಧ ವ್ಯಕ್ತವಾಗಿದೆ.
https://www.newsics.com/2025/04/05/modi-given-traditional-guard-of-honour-in-sri-lanka/
