newsics.com
ಹಬ್ಬದ ಸಮಯದಲ್ಲಿ ಪ್ರತಿಯೊಬ್ಬರೂ ಮನೆಯ ಪ್ರತಿಯೊಂದು ಮೂಲೆಯನ್ನು ಆಕರ್ಷಕವಾಗಿ ಕಾಣಬೇಕೆಂದು ಬಯಸುತ್ತಾರೆ. ಅದಕ್ಕೆ ಈ ರೀತಿ ಸಿಂಪಲ್ ಟೀಪ್ಸ್ ಬಳಸಿ..
ಹೌದು, ಅಕ್ಟೋಬರ್ ತಿಂಗಳು ಬಂತಂದ್ರೆ ಹಬ್ಬದ ಸೀಸನ್ ಶುರು ಎಂದೇ ಹೇಳಬಹುದು. ಇದೇ ತಿಂಗಳಿನಲ್ಲಿ ದೀಪಾವಳಿ ಸಹ ಆಚರಿಸಲಾಗುತ್ತದೆ. ಇನ್ನೂ ಈ ಹಬ್ಬ ಬರುತ್ತಿದ್ದಂತೆ ಜನ ಮನೆ ಕ್ಲೀನ್ ಮಾಡುವುದರಲ್ಲಿ ಬ್ಯುಸಿ ಆಗಿ ಬಿಡುತ್ತಾರೆ.
ಪ್ರತಿದಿನ ನಾವು ಅಡುಗೆ ಮಾಡಲು ಬಳಸುವ ಪಾತ್ರೆಗಳನ್ನು ಸಹ ಸ್ವಚ್ಛಗೊಳಿಸುತ್ತಾರೆ.
ಇನ್ನು ಅಡುಗೆ ಮಾಡಲು ನಾವು ದಿನ ಬಳಸುವ ಪಾತ್ರೆಗಳು ಹೆಚ್ಚಾಗಿ ಕಪ್ಪಾಗುತ್ತದೆ. ಇವುಗಳನ್ನು ಸ್ವಚ್ಛಗೊಳಿಸುವುದಂತೂ ಅನೇಕ ಮಹಿಳೆಯರಿಗೆ ಕಷ್ಟಕರವಾದ ಕೆಲಸ. ಆದರೆ ಕೆಲ ಟಿಪ್ಸ್ ಫಾಲೋ ಮಾಡುವ ಮೂಲಕ ಸುಲಭವಾಗಿಯೇ ಮನೆಯಲ್ಲಿರುವ ಪಾತ್ರೆಗಳನ್ನು ಸ್ವಚ್ಛಗೊಳಿಸಿ, ಹೊಸದರಂತೆ ಹೊಳೆಯುವಂತೆ ಮಾಡಬಹುದು.
ಹೌದು, ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ನೀವು ಅಡುಗೆ ಸೋಡಾವನ್ನು ಉಪಯೋಗಿಸಬಹುದು. ಇದು ಪಾತ್ರೆಗಳನ್ನು ಹೊಳೆಯುವಂತೆ ಮಾಡುತ್ತದೆ. ಇದಕ್ಕಾಗಿ ಮೊದಲು ಬಿಸಿ ನೀರನ್ನು ಬೌಲ್ನಲ್ಲಿ ತೆಗೆದುಕೊಳ್ಳಿ. ಈಗ ಅಡಿಗೆ ಸೋಡಾವನ್ನು ಅದರೊಳಗೆ ಮಿಕ್ಸ್ ಮಾಡಿ, ಪಾತ್ರೆಗಳ ಮೇಲೆ ಸಿಂಪಡಿಸಿ. ಈಗ 5-6 ನಿಮಿಷಗಳ ನಂತರ ಸ್ಪಂಜಿನಿಂದ ಸ್ಕ್ರಬ್ ಮಾಡಿದರೆ ತೊಳೆದರೆ ಪಾತ್ರೆಗಳು ಹೊಳೆಯುತ್ತದೆ.
ಸೆರಾಮಿಕ್ ಪಾತ್ರೆಗಳು, ಗಾಜಿನ ಪಾತ್ರೆಗಳು, ಪ್ಲಾಸ್ಟಿಕ್ ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ನೀವು ಈ ಟ್ರಿಕ್ಸ್ ಟ್ರೈ ಮಾಡಬಹುದು. ಲಿಕ್ವೆಡ್ ಕ್ಲೋರಿನ್ನಿಂದ ಭಕ್ಷ್ಯಗಳನ್ನು ಸ್ವಚ್ಛಗೊಳಿಸುವ ಮುನ್ನ 10 ನಿಮಿಷಗಳ ಕಾಲ ಬಿಸಿ ನೀರಿನಲ್ಲಿ ಪಾತ್ರೆಗಳನ್ನು ನೆನೆಸಿ. ಇದಾದ ನಂತರ ಲಿಕ್ವೆಡ್ ಕ್ಲೋರಿನ್ ಅನ್ನು ಅವುಗಳ ಮೇಲೆ ಸುರಿದು, ಸ್ವಚ್ಛಗೊಳಿಸಿ. ಇದರಿಂದ ಪಾತ್ರೆಗಳು ಫಳ-ಫಳ ಹೊಳೆಯುತ್ತದೆ.
