ದೀಪಾವಳಿ ಹಬ್ಬಕ್ಕೆ ಸೀರೆ ಉಟ್ಟಾಗ ಈ ತಪ್ಪು ಮಾಡಬೇಡಿ; ಸೆಲೆಬ್ರಿಟಿಯಂತೆ ಕಾಣ್ತೀರಿ

newsics.com
ಸೀರೆ ಉಡೋದು ಹೇಗೆ ಅಂತ ಗೊತ್ತಿಲ್ಲ ಅಂದ್ರು ಸೀರೆ ಉಟ್ಟು ಮಿಂಚುಬೇಕು ಎನ್ನುವ ಆಸೆ ಮಹಿಳೆಯರಿಗೆ ಇರುವುದು ಸಹಜ. ಆದರೆ ಕೆಲವರು ಸೀರೆ ಉಡುವಾಗ ಸಾಕಷ್ಟು ತೊಂದರೆಗಳನ್ನು ಎದುರಿಸುತ್ತಾರೆ. ಅಲ್ಲದೇ ಸೀರೆ ಉಡುವಾಗ ಮಾಡುವ ಕೆಲವು ತಪ್ಪುಗಳು ಅಂದ ಹೆಚ್ಚುವ ಬದಲು ಅಂದ ಹಾಳಾಗುವಂತೆ ಮಾಡುತ್ತದೆ.. ಅನೇಕ ಮಂದಿಗೆ ಸೀರೆ ಉಡುವುದಕ್ಕೂ ಸಹ ಬರುವುದಿಲ್ಲ. ಅಂತವರಿಗೆ ಕೆಲವೊಂದಷ್ಟು ಟಿಪ್ಸ್ ಇಲ್ಲಿವೆ…

ಕೊನೆಯ ಗಳಿಕೆಯಲ್ಲಿ ಸೀರೆ ಪಿನ್ ಮಾಡಲು ಕಷ್ಟಪಡುವ ಬದಲು ಹಿಂದಿನ ದಿನವೇ ಸೀರೆಯ ನೆರೆಗೆ ತೆಗೆದು ಪಿನ್ ಮಾಡುವುದು ಉತ್ತಮ. ಈ ಕೆಲಸ ಮಾಡುವುದರಿಂದ ನಿಮಗೆ ಯಾವುದೇ ತಲೆನೋವು ಇರುವುದಿಲ್ಲ. ಕೆಲವು ನಿಮಿಷಗಳಲ್ಲಿಯೇ ಸೀರೆಯನ್ನು ಸುಲಭವಾಗಿ ಉಡಬಹುದು. ಆದ್ದರಿಂದ ಪೂರ್ವ ಟ್ರ್ಯಾಪಿಂಗ್ ಮಾಡುವುದಕ್ಕೆ ಸೋಮಾರಿ ಆಗಬೇಡಿ.

ಸೀರೆ ನರಿಗೆಗಳನ್ನು ತುಂಬಾ ಬಿಗಿಯಾಗಿ ಕಟ್ಟುವ ಕೆಲಸ ಮಾಡಬೇಡಿ. ಹೀಗೆ ಬಿಗಿಯಾಗಿ ನರಿಗೆಗಳನ್ನು ಕಟ್ಟುವುದರಿಂದ ನಿಮಗೆ ನಡೆಯಲು ಅಥವಾ ಯಾವುದಾದರೂ ಕೆಲಸ ಮಾಡಲು ಕಷ್ಟವಾಗುತ್ತದೆ.
ಸೀರೆ ಉಡುವಾಗ ತೆಗೆದ ನರಿಗೆಯನ್ನು ತುಂಬಾ ಕೆಳಗೆ ಅಥವಾ ತುಂಬಾ ಮೇಲೆ ಸಿಗಿಸಬೇಡಿ. ನಿಮ್ಮ ಎತ್ತರಕ್ಕೆ ಅನುಗುಣವಾಗಿ ಸರಿಯಾದ ಗಾತ್ರಕ್ಕೆ ನೆರಿಗೆಯನ್ನು ಸಿಗಿಸಿಕೊಳ್ಳಿ. ಇದು ನಿಮ್ಮ ಸೀರೆಯನ್ನು ಸುಂದರವಾಗಿ ಕಾಣುವಂತೆ ಮಾಡುವುದಷ್ಟೇ ಅಲ್ಲದೇ, ನಿಮ್ಮ ಅಂದವನ್ನು ಹೆಚ್ಚಿಸುತ್ತದೆ.
ಸೀರೆ ಬಿಗಿಯಾಗಿದ್ದರೆ ನಡೆದಾಡಲು ಹೇಗೆ ಕಷ್ಟವಾಗುತ್ತದೆಯೋ ಅದೇ ರೀತಿ ಬ್ಲೌಸ್ ಫಿಟ್ಟಿಂಗ್ ಹೆಚ್ಚಾದರೂ ಕಷ್ಟ. ಸೀರೆ ಸುಂದರವಾಗಿದ್ದು, ಒಂದು ವೇಳೆ ಬ್ಲೌಸ್ ಸುಂದರವಾಗಿಲ್ಲದಿದ್ದರೆ ಲುಕ್ ಹಾಳಾಗುತ್ತದೆ. ಹೀಗಾಗಿ ಸೀರೆ ಹೈಲೈಟ್ ಆಗಿ ಕಾಣಬೇಕೆಂದರೆ ಅದಕ್ಕೆ ಹೊಂದಿಕೆಯಾಗುವ ಬ್ಲೌವ್ಸ್, ಡಿಸೈನ್ ಮುಖ್ಯ.
ಹೊರಗೆ ಹೋಗುವಾಗ ಸೀರೆ ಉಡಲು ಗಡಿ-ಬಿಡಿ ಆಗುವ ಬದಲು, ಹಿಂದಿನ ದಿನವೇ ಸೀರೆ ಕಟ್ಟಿಕೊಳ್ಳುವ ಅಭ್ಯಾಸ ಮಾಡಿ. ಇದರಿಂದ ತರಾತುರಿಯಲ್ಲಿ ಸೀರೆ ಕಟ್ಟಿಕೊಳ್ಳುವ ಅಗತ್ಯ ಬರುವುದಿಲ್ಲ. ಅಲ್ಲದೇ ಯಾವುದಾದರೂ ಅಡಚಣೆ ಅಥವಾ ಫಿಟ್ಟಿಂಗ್ ಸಮಸ್ಯೆ ಇದ್ದರೆ ಮೊದಲೇ ತಿಳಿಯುತ್ತದೆ. ನೀವು ಕೂಡ ಮುಂಚಿತವಾಗಿಯೇ ಸರಿಪಡಿಸಿಕೊಳ್ಳಬಹುದು