ಹಲ್ಲಿನ ಮೇಲಿನ ಹಳದಿ ಕಲೆಯಿಂದ ಮುಜುಗರವಾಗ್ತಿದ್ಯಾ? ಈ ರೀತಿ ಮಾಡಿ ಪಳಪಳ ಹೊಳೆಯುತ್ತೆ

newsics.com

ಹಲ್ಲುಗಳು ನಮ್ಮ ಮುಖದ ಸೌಂದರ್ಯವನ್ನು ಹೆಚ್ಚಿಸುತ್ತದೆ ಎಂದರೆ ತಪ್ಪಾಗಲಾರದು. ಆದರೆ ಪ್ರತಿದಿನ ನಾವು ತಿನ್ನುವ ಆಹಾರದ ಕಣಗಳು ಹಲ್ಲುಗಳ ಮೇಲೆ ಸಂಗ್ರಹವಾಗುತ್ತವೆ. ಇದು ಹಳದಿ ಹಲ್ಲುಗಳಿಗೆ ದೊಡ್ಡ ಕಾರಣವಾಗಿದೆ. ಈ ಸಮಸ್ಯೆ ನಿವಾರಣೆಗೆ ಪ್ರತಿದಿನ ಹಲ್ಲುಜ್ಜಿದರೂ ಹಲ್ಲುಗಳಲ್ಲಿ ಹಳದಿ ಕಲೆಗಳು ಉಳಿದು ಬಿಡುತ್ತವೆ. ಕೆಲವೊಮ್ಮೆ ದಿನಕ್ಕೆರಡು ಬಾರಿ ಹಲ್ಲುಜ್ಜಿದರೂ ಹಲ್ಲುಗಳು ಕ್ಲೀನ್ ಆಗದೇ ಹಳದಿ ಬಣ್ಣದಿಂದಲೇ ಕೂಡಿರುತ್ತದೆ.

ಇದರಿಂದ ಸಾಕಷ್ಟು ಬಾರಿ ಅನೇಕ ಮಂದಿ ಮುಜುಗರಕ್ಕೊಳಗಾಗುತ್ತಾರೆ. ಕೆಲ ಮಂದಿ ಹಲ್ಲುಗಳನ್ನು ಬಿಳುಪಾಗಿಸಲು ಪಾಲಿಶ್ ಮಾಡಿಸುತ್ತಾರೆ. ವಾಸ್ತವವಾಗಿ ಹೀಗೆ ಮಾಡುವುದರಿಂದ ಹಲ್ಲುಗಳಿಗೆ ಹಾನಿಯಾಗುತ್ತದೆ ಎಂದು ವೈದ್ಯರು ಎಚ್ಚರಿಕೆ ನೀಡುತ್ತಾರೆ. ಆದರೆ ಹಲ್ಲಿನ ಮೇಲಿನ ಮೊಂಡುತನದ ಹಳದಿ ಕಲೆಗಳನ್ನು ತೊಡೆದುಹಾಕಲು ನಾವಿಂದು ತಿಳಿಸುತ್ತಿರುವ ಮನೆಮದ್ದುಗಳನ್ನು ಪ್ರಯತ್ನಿಸಿ.

ನಿಯಮಿತ ಧೂಮಪಾನ, ಚಹಾ ಮತ್ತು ಕಾಫಿ ಸೇವನೆಯ ಅಭ್ಯಾಸಗಳು ಹಾಗೂ ಆನುವಂಶಿಕ ಅಂಶಗಳು ಸಹ ಹಲ್ಲುಗಳು ಹಳದಿಯಾಗಲು ಕಾರಣವಾಗಬಹುದು. ಪ್ರತಿದಿನ ಹಲ್ಲುಜ್ಜುವುದರಿಂದರೂ ಈ ಸಮಸ್ಯೆಯು ಮುಂದುವರಿಯಬಹುದು.

ಒಂದು ಟೀಚಮಚ ಉಪ್ಪಿನೊಂದಿಗೆ ಕೆಲವು ಹನಿ ಎಣ್ಣೆಯನ್ನು ಮಿಶ್ರಣ ಮಾಡಿ ಮತ್ತು ಬ್ರಷ್ ಬಳಸಿ ಹಲ್ಲುಗಳ ಮೇಲೆ ಒಂದು ವಾರದವರೆಗೆ ಉಜ್ಜಿ. ಇದರಿಂದ ನೀವೇ ವ್ಯತ್ಯಾಸವನ್ನು ಕಾಣುವಿರಿ.

ಸ್ಟ್ರಾಬೆರಿಗಳು ಹಲ್ಲುಗಳನ್ನು ಕಾಪಾಡುವಲ್ಲಿ ಅತ್ಯುತ್ತಮ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಸ್ಟ್ರಾಬೆರಿಯನ್ನು ನುಜ್ಜುಗುಜ್ಜು ಮಾಡಿ, ನಂತರ ಪೇಸ್ಟ್ನೊಂದಿಗೆ ಮಿಶ್ರಣ ಮಾಡಿ, ಇದನ್ನು ಹಲ್ಲುಗಳ ಮೇಲೆ ಹಚ್ಚಿ. ಇದಾದ ನಂತರ, ಬೆಚ್ಚಗಿನ ನೀರಿನಿಂದ ಗಾರ್ಗ್ಲ್ ಮಾಡಿ.