newsics.com
ಉತ್ತರಪ್ರದೇಶ : ತಲೆ ಕೂದಲನ್ನೇ ತಿಂದು 16 ವರ್ಷ ಕಾಲ ಕಳೆದ ಯುವತಿ ಉತ್ತರಪ್ರದೇಶದಲ್ಲಿ ಪತ್ತೆಯಾಗಿದ್ದಾಳೆ.
ಬರೇಲಿಯ 21 ವರ್ಷದ ಯುವತಿ ತನಗೆ ಹೊಟ್ಟೆ ನೋವು ಎಂದು ಆಸ್ಪತ್ರೆಗೆ ದಾಖಲಾಗಿದ್ದಾಳೆ. ಈಕೆಗೆ ಚಿಕಿತ್ಸೆ ನೀಡಿದ ವೈದ್ಯರು ಹೊಟ್ಟೆಯಿಂದ ಬರೋಬ್ಬರಿ 2 ಕೆಜಿ ತೂಕದ ಮಾನವನ ತಲೆ ಕೂದಲನ್ನು ಹೊರಗೆ ತೆಗೆದು ಅಚ್ಚರಿಗೊಂಡಿದ್ದಾರೆ. ಇದು ಹೇಗೆ ಸಾಧ್ಯ ಅಂತ ಕಾರಣ ಹುಡುಕುತ್ತಾ ವೈದ್ಯರೇ ಬೆಚ್ಚಿ ಬಿದ್ದಿದ್ದಾರೆ.
5ನೇ ವಯಸ್ಸಿನವಳಾಗಿಂದಲೂ ಇದನ್ನೇ ಮುಂದುವರಿಸಿಕೊಂಡು ಬಂದಿದ್ದಾಳೆ. ಕೊನೆಗೆ ಹೊಟ್ಟೆ ನೋವು ಕಾಣಿಸಿಕೊಂಡಾಗ ಚಿಕಿತ್ಸೆಗೆ ದಾಖಲಾಗಿದ್ದಾಳೆ. ಈಕೆಗೆ ಏನೇ ಊಟ ಮಾಡಿದರು ವಾಂತಿಯಾಗುವ ಹಂತಕ್ಕೆ ಹೋಗಿದೆ. ತಲೆಗೂದಲು ತಿನ್ನುವ ಈ ರೀತಿಯ ವರ್ತನೆಗೆ ವೈದ್ಯರು ಪ್ರಾಯೋಗಿಕವಾಗಿ ಟ್ರೈಕೊಫೇಜಿಯಾ ಅಥವಾ ರಾಪುಂಜೆಲ್ ಸಿಂಡ್ರೋಮ್ ಎಂದು ಕರೆದಿದ್ದಾರೆ.
ಆಸ್ಪತ್ರೆಯ ಡಾ. ಎಂ.ಪಿ ಸಿಂಗ್ ಅವರು ಯುವತಿಯನ್ನು ವಿಚಾರಿಸಿದಾಗ ತಲೆ ಕೂದಲು ತಿನ್ನುತ್ತಿದ್ದ ಸತ್ಯವನ್ನು ಒಪ್ಪಿಕೊಂಡಿದ್ದಾಳೆ. ಸದ್ಯ ಆಪರೇಷನ್ ಮಾಡಿ ಹೊಟ್ಟೆಯಲ್ಲಿದ್ದ 2 ಕೆಜಿ ಕೂದಲನ್ನು ಹೊರ ತೆಗೆದು ಚಿಕಿತ್ಸೆ ನೀಡಲಾಗಿದೆ.
