newsics.com
ಎಲ್ಲರು ಮುಖದಲ್ಲಿ ಯಾವುದೇ ಸಮಸ್ಯೆಗಳಿಲ್ಲದೇ ಕ್ಲಿಯರ್ ಆಗಿರಬೇಕೆಂದು ಬಯಸುತ್ತಾರೆ. ಆದರೆ ಸುಂದರವಾದ ಮುಖದ ಮೇಲೆ ವೈಟ್ ಹೆಡ್ಸ್ ಅಂದವನ್ನೇ ಹಾಳು ಮಾಡುತ್ತದೆ. ಇವುಗಳಿಗೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ ಮೂಗಿನಲ್ಲಿ ಹುಣ್ಣು, ಗಾಯದ ಗುರುತುಗಳಾಗುವ ಸಾಧ್ಯತೆ ಇರುತ್ತದೆ. ಈ ಸಮಸ್ಯೆ ಪರಿಹಾರಕ್ಕೆ ಸಿಂಪಲ್ ಟಿಪ್ಸ್ ಇಲ್ಲಿವೆ..
ಅಲೋವೆರಾ ಹಲವಾರು ಔಷಧೀಯ ಗುಣಗಳನ್ನು ಹೊಂದಿರುವ ಸಸ್ಯವಾಗಿದೆ. ಮುಖದ ಮೇಲಿನ ಬಿಳಿ ಕಲೆಗಳನ್ನು ಕಡಿಮೆ ಮಾಡಲು ಇದನ್ನು ಬಳಸಬಹುದು. ಇದರ ಅಂಶಗಳು ಬ್ಯಾಕ್ಟೀರಿಯಾವನ್ನು ಕೊಲ್ಲ ಬಲ್ಲವು. ಇದು ಚರ್ಮದ ಮೇಲಿನ ಕೆಂಪು ಬಣ್ಣವನ್ನು ಸಹ ಕಡಿಮೆ ಮಾಡುತ್ತದೆ. ಅಲೋವೆರಾ ಜೆಲ್ ಅನ್ನು ವೈಟ್ ಹೆಡ್ ಗಳ ಮೇಲೆ ಹಚ್ಚುವುದರಿಂದ ಚರ್ಮದ ರಂಧ್ರಗಳಲ್ಲಿ ಅಂಟಿಕೊಂಡಿರುವ ಕೊಳೆ ನಿವಾರಣೆಯಾಗುತ್ತದೆ.
ಇನ್ನು ಕ್ಲೇ ಮಾಸ್ಕ್ ಗಳು ಮುಖದಿಂದ ಹೆಚ್ಚುವರಿ ಎಣ್ಣೆಯನ್ನು ತೆಗೆದು ಹಾಕುತ್ತವೆ. ತ್ವಚೆಯ ರಂಧ್ರಗಳಲ್ಲಿ ಅಂಟಿಕೊಂಡಿರುವ ಕೊಳೆಯನ್ನೂ ಸ್ವಚ್ಛಗೊಳಿಸುತ್ತವೆ. ಚರ್ಮದ ಕೆಂಪು ಸಮಸ್ಯೆಗಳಿಂದ ಬಳಲುತ್ತಿರುವವರಿಗೆ ಇದು ಉರಿಯೂತದಿಂದ ಪರಿಹಾರವನ್ನು ನೀಡುತ್ತದೆ. ಚರ್ಮದ ರಂಧ್ರಗಳನ್ನು ಸಂಕುಚಿಸಿ ಚರ್ಮವನ್ನು ನಯವಾಗಿಸುತ್ತದೆ.
ಹಬೆ ಕೂಡ ಮುಖದ ಮೇಲಿನ ರಂಧ್ರಗಳನ್ನು ತೆಗೆದು ಹಾಕುತ್ತದೆ. ಚರ್ಮದಲ್ಲಿ ಅಂಟಿಕೊಂಡಿರುವ ಎಣ್ಣೆ ಮತ್ತು ಕೊಳೆಯು ಈ ತೆರೆದ ರಂಧ್ರಗಳಿಂದ ಸುಲಭವಾಗಿ ಹೊರ ಬರುತ್ತದೆ. ಹಬೆ ತೆಗೆದುಕೊಂಡ ನಂತರ ಚರ್ಮವನ್ನು ಮೃದುವಾಗಿ ಉಜ್ಜಿದರೆ ವೈಟ್ ಹೆಡ್ಸ್ ನಿವಾರಣೆಯಾಗುತ್ತದೆ.
ಜೇನುತುಪ್ಪದಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳು ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತವೆ. ಇದು ವೈಟ್ ಹೆಡ್ಸ್ ಅನ್ನು ನಿವಾರಿಸುತ್ತದೆ.
