newsics.com
ಮೊನ್ನೆ ಮೊನ್ನೆಯವರೆಗೂ ಕೃಷ್ಣನ ಕನವರಿಕೆಯಲ್ಲಿದ್ದ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಈಗ ತನ್ನ ಪ್ರೇಮ ಕಹಾನಿಗಳನ್ನ ಬಿಚ್ಚಿಟ್ಟಿದ್ದಾರೆ. ಹೌದು ತಮಗೆ ಎರಡೆರಡು ಲವ್ ಗಳು ಇದ್ವು. ಆದ್ರೆ ಈಗ ಅವೆಲ್ಲಾ ಬ್ರೇಕಪ್ ಆಗಿವೆ ಅಂತ ತಮನ್ನಾ ಓಪನ್ ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ.
ನನ್ನ ಜೀವನದಲ್ಲಿ ನನ್ನ ವಿಕಾಸಕ್ಕೆ ಈ ಎರಡು ಬ್ರೇಕಪ್ ತುಂಬಾ ಅಗತ್ಯವಾಗಿತ್ತು ನನ್ನ ಮೊದಲ ಬ್ರೇಕಪ್ ಯಾಕೆ ಆಯಿತು ಎಂದರೆ ನಾನು ತುಂಬಾ ಚಿಕ್ಕವಳಾಗಿದ್ದೆ. ಆ ಬ್ರೇಕಪ್ ಆಗುವಾಗ ನಾನು ಎಂಥಹ ಸ್ಥಿತಿಯಲ್ಲಿದ್ದೆ ಎಂದರೆ, ಆ ಒಂದು ವ್ಯಕ್ತಿಗಾಗಿ ನಾನು ಸಾಕಷ್ಟನ್ನು ಬಿಟ್ಟು ಕೊಟ್ಟಿದ್ದೆ. ನೋಡೋಕೆ, ಮಾಡೋಕೆ ತುಂಬಾ ಇದೆ ಎಂದು ನನಗೆ ಆ ಮೇಲೆ ಅನಿಸಿತು. ಇನ್ನೊಂದು ಹಾರ್ಟ್ ಬ್ರೇಕ್ ನಲ್ಲಿ ಆ ವ್ಯಕ್ತಿ ನನಗೆ ಸರಿಯಾದವನಲ್ಲ ಎನಿಸಿತ್ತು. ಒಬ್ಬ ದೀರ್ಘಕಾಲದ ಸಂಗಾತಿಯಾಗಿ ಆ ವ್ಯಕ್ತಿ ನನ್ನ ಬದುಕಿಗೆ ಸೂಟ್ ಆಗಲ್ಲ ಎನಿಸಿತ್ತು.
ತಮನ್ನಾ ಭಾಟಿಯಾ. ಭಾರತೀಯ ಚಿತ್ರ ಜಗತ್ತಿನ ದಂತದ ಗೊಂಬೆ. ಈಕೆಯ ವಯ್ಯಾರಕ್ಕೆ, ಕಣ್ಣೋಟಕ್ಕೆ, ಬಳುಕೋ ಬಳ್ಳಿಯಂತಿರೋ ಆ ದೇಹ ಸಿರಿಗೆ ಮರುಳಾಗದವರೇ ಇಲ್ಲ. ದಶಕದಿಂದಲೂ ಚಿತ್ರರಂಗವನ್ನಾಳುತ್ತಿರೋ ಮಿಲ್ಕಿ ಬ್ಯೂಟಿ ತಮನ್ನಾ ಸದ್ಯ ಐಟಂ ಡಾನ್ಸ್ ಕಡೆ ಜಾಸ್ತಿ ಒಲವು ತೋರಿದ್ದಾರೆ. ಇತ್ತ ಮಿಲ್ಕಿ ಬ್ಯೂಟಿ ತಮನ್ನಾ ಕಳೆದ ಕೆಲವು ವರ್ಷಗಳಿಂದ ನಟ ವಿಜಯ್ ವರ್ಮಾ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗ್ತಿದೆ. ಇತ್ತೀಚಿಗೆ ಅನೇಕ ಬಾರಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ತಿದ್ದಾರೆ.
