newsics.com
ಬಾಲಿವುಡ್ ಸ್ಟಾರ್ ನಟ ಸಲ್ಮಾನ್ ಖಾನ್ ಅವರು ಹಲವಾರು ನಟಿಯರ ಜೊತೆ ಸಂಬಂಧದಲ್ಲಿದ್ದಾರೆ ಎನ್ನುವ ಸುದ್ದಿ ಬಂದಿವೆ. ಈಗಾಗಲೇ ಹಲವಾರು ನಟಿಯರ ಜೊತೆ ಸಲ್ಮಾನ್ ಖಾನ್ ಹೆಸರು ಸದ್ದು ಮಾಡಿದೆ.
ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರು ಐಶ್ವರ್ಯಾ ರೈ ಅವರನ್ನು ತುಂಬಾ ಪ್ರೀತಿಸಿದ್ದರು. ಆದರೆ ಅವರ ನಡುವೆ ಬ್ರೇಕಪ್ ಆಗಿತ್ತು. ಆ ನಂತರ ಸಲ್ಮಾನ್ ಖಾನ್ ಮದುವೆಯಾಗುವ ಪ್ರಯತ್ನ ಮಾಡಿದರೂ ಕಂಕಣ ಭಾಗ್ಯ ಕೂಡಿ ಬಂದಿರಲಿಲ್ಲ. ಈ ನಡುವೆ ನಟ ಸೀಕ್ರೆಟ್ ಆಗಿ ಮದುವೆಯಾಗಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗಿದೆ.
ಕೆಲವು ವರ್ಷಗಳ ಹಿಂದೆ ಶಾರುಖ್ ಖಾನ್ ಅವರು ಸಲ್ಮಾನ್ ಖಾನ್ ಅವರಲ್ಲಿ ಮದುವೆ ಬಗ್ಗೆ ಪ್ರಶ್ನೆ ಮಾಡಿದ್ದರು. ಸ್ಟಾರ್ ಸ್ಕ್ರೀನ್ ಅವಾರ್ಡ್ ಕಾರ್ಯಕ್ರಮದಲ್ಲಿ ದಬಾಂಗ್ ನಟನಲ್ಲಿ ಮದುವೆ ಬಗ್ಗೆ ಪ್ರಶ್ನೆ ಮಾಡಲಾಗಿದೆ. ಇದಕ್ಕೆ ಸಲ್ಮಾನ್ ಖಾನ್ ಕೊಟ್ಟ ಉತ್ತರ ಎಲ್ಲರಿಗೂ ಶಾಕ್ ಕೊಟ್ಟಿದೆ
ಶಾರುಖ್ ಖಾನ್ ಅವರು ಸಲ್ಮಾನ್ ಖಾನ್ ಅವರ ಮದುವೆ ಬಗ್ಗೆ ಪ್ರಶ್ನೆ ಕೇಳಿದ್ದರು. ಅದಕ್ಕೆ ಉತ್ತರಿಸಿದ ಸಲ್ಮಾನ್ ಖಾನ್. ಸೀಕ್ರೆಟ್ ಏನೆಂದರೆ ನನ್ನ ಮದುವೆ ಆಗಿದೆ ಎಂದಿದ್ದರು. ಇದನ್ನು ಕೇಳಿ ಶಾರುಖ್ ಖಾನ್ ಶಾಕ್ ಆಗಿದ್ದರು. ಆಲಿಯಾ ಭಟ್, ಝರಿನ್ ಖಾನ್, ಡೈಸಿ ಶಾ, ರೇಖಾ ಹಾಗೂ ಇತರರೂ ಸಲ್ಮಾನ್ ಖಾನ್ ಉತ್ತರದಿಂದ ಶಾಕ್ ಆಗಿದ್ದರು.
ನಂತರ ಮಾತು ಮುಂದುವರಿಸಿದ ಸಲ್ಮಾನ್ ಖಾನ್ ಯಾರು ನನ್ನ ಮದುವೆ ಬಗ್ಗೆ ಕೇಳುತ್ತಾರೋ ಅವರಿಗೆ ಉತ್ತರ ಕೊಟ್ಟೂ ಕೊಟ್ಟೂ ಸಾಕಾಗಿದೆ. ನನ್ನ ಮದುವೆ, ನನ್ನ ಮದುವೆಯ ಪ್ಲಾನಿಂಗ್ ಬಗ್ಗೆ ಕೇಳಿ ಕೇಳಿ ನನಗೆ ತೊಂದರೆ ಕೊಡುವವರಿಗೆ ಉತ್ತರಿಸಿ ಸಾಕಾಗಿದೆ. ನನಗೆ ಸುಳ್ಳು ಹೇಳಿ ಸಾಕಾಗಿದೆ ಎಂದಿದ್ದಾರೆ.
ನಂತರ ಶಾರುಖ್ ಖಾನ್ ಪ್ರತಿಕ್ರಿಯಿಸಿ ನೀವು ಎಲ್ಲಿ ಮದುವೆಯಾದಿರಿ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಸಲ್ಮಾನ್ ಖಾನ್ ನಾವು ಮದುವೆಯಾಗಿ ಸ್ವಲ್ಪ ಸಮಯವಾಯಿತು. ನಾನು ಈ ಸತ್ಯವನ್ನು ಜಗತ್ತಿನಿಂದ ಮುಚ್ಚಿಟ್ಟಿದ್ದೆ. ಆದರೆ ಇಂದು ನಿಮ್ಮ ಮುಂದೆ ಈ ಸತ್ಯ ಹೊರಗೆ ಬಂದಿದೆ ಎಂದಿದ್ದಾರೆ
