newsics.com/ನ್ಯೂಸಿಕ್ಸ್
ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಸಾಲದ ಸ್ವರೂಪ ಮತ್ತು ನಿಯಮಗಳನ್ನು ಸಂಪೂರ್ಣವಾಗಿ ಬದಲಾಯಿಸುವ ನಿಟ್ಟಿನಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್ ಹೊಸ ನಿಯಮಗಳನ್ನು ಜಾರಿಗೆ ತರುತ್ತಿದೆ.
https://youtube.com/shorts/1MGAmJmhYq0?si=nMc-nPA4I0KAHwKo
ಸಮಸ್ಯೆ ಬಂದ ಮೇಲೆ ಪರಿಹಾರ ಹುಡುಕುವುದಕ್ಕಿಂತ, ಅಸಲು ಸಮಸ್ಯೆಯೇ ಬರದಂತೆ ಬ್ಯಾಂಕುಗಳು ಮುನ್ನೆಚ್ಚರಿಕೆ ವಹಿಸಲು ECL (Expected Credit Loss – ನಿರೀಕ್ಷಿತ ಸಾಲದ ನಷ್ಟ) ಎಂಬ ಹೊಸ ವಿಧಾನವನ್ನು ಆರ್ಬಿಐ ಪ್ರಸ್ತಾಪಿಸಿದೆ.
ಸರಳವಾಗಿ ಹೇಳುವುದಾದರೆ, ಬ್ಯಾಂಕುಗಳು ತಾವು ನೀಡಿದ ಸಾಲದ ಮೇಲೆ ಭವಿಷ್ಯದಲ್ಲಿ ಬರಬಹುದಾದ ನಷ್ಟದ ಅಪಾಯಗಳನ್ನು ಮೊದಲೇ ಅಂದಾಜು ಮಾಡಬೇಕು. ಅದಕ್ಕೆ ತಕ್ಕಂತೆ ಅಷ್ಟು ಹಣವನ್ನು ಮುಂಚಿತವಾಗಿಯೇ ಪಕ್ಕಕ್ಕೆ ಎತ್ತಿಡಬೇಕು.
ಮುಂದಿನ ದಿನಗಳಲ್ಲಿ ಜಾರಿಗೆ ಬರಲಿರುವ ಈ ನಿಯಮಗಳಿಂದ ಸಾಲ ನೀಡುವ ಮತ್ತು ಪಡೆಯುವ ವಿಧಾನವೇ ಬದಲಾಗಲಿದೆ ಎಂದು ತಜ್ಞರು ಹೇಳುತ್ತಿದ್ದಾರೆ. ಈ ನಿಯಮದಿಂದಾಗಿ ಸಾಲ ಪಡೆದಿರುವ ಮತ್ತು ಸಾಲ ಪಡೆಯಲು ಬಯಸುವ ಪ್ರತಿಯೊಬ್ಬರ ಮೇಲೂ ಭಾರಿ ಪ್ರಭಾವ ಬೀಳಲಿದೆ.
ಹೊಸದಾಗಿ ಬರಲಿರುವ ECL ನಿಯಮಗಳೊಂದಿಗೆ ಈ ಹಳೆಯ ಧೋರಣೆಗೆ ತೆರೆ ಬೀಳಲಿದೆ. ಇನ್ನು ಮುಂದೆ ಬ್ಯಾಂಕುಗಳು ಸಾಲದ ಪರಿಸ್ಥಿತಿಯನ್ನು ಮೊದಲೇ ಅಂದಾಜು ಮಾಡಬೇಕಾಗುತ್ತದೆ. ಎದುರಾಗಬಹುದಾದ ರಿಸ್ಕ್ ಅನ್ನು ಊಹಿಸಿ, ಮುಂಚಿತವಾಗಿಯೇ ಪ್ರಾವಿಷನಿಂಗ್ ಮಾಡಿಕೊಂಡು ಸಿದ್ಧವಾಗಿರಬೇಕು. ಕೇವಲ ಒಂದು ತಿಂಗಳ ಇಎಂಐ ಮಿಸ್ ಆದರೂ ಬ್ಯಾಂಕುಗಳು ತಕ್ಷಣವೇ ಕಾರ್ಯಪ್ರವೃತ್ತವಾಗಿ ಕಠಿಣ ಕ್ರಮಗಳನ್ನು ಕೈಗೊಳ್ಳಬೇಕಾಗುತ್ತದೆ.
ಆರ್ಬಿಐ ಈ ರೀತಿ ನಿಯಮಗಳನ್ನು ಕಠಿಣಗೊಳಿಸುವುದರಿಂದ ಅದು ನಿಮ್ಮ ಮಾಸಿಕ ಖರ್ಚುಗಳ ಮೇಲೂ ಪರಿಣಾಮ ಬೀರಲಿದೆ.
ಬ್ಯಾಂಕುಗಳು ಭವಿಷ್ಯದ ನಷ್ಟವನ್ನು ಅಂದಾಜು ಮಾಡಿ ಹೆಚ್ಚಿನ ಹಣವನ್ನು ಮುಂಚಿತವಾಗಿಯೇ ಪಕ್ಕಕ್ಕೆ ಇಡಬೇಕಾಗುವುದರಿಂದ, ಅವುಗಳ ವ್ಯಾಪಾರ ವೆಚ್ಚ ದುಬಾರಿಯಾಗುತ್ತದೆ.
ತಮ್ಮ ಲಾಭದ ಪ್ರಮಾಣವನ್ನು ಕಾಪಾಡಿಕೊಳ್ಳಲು ಬ್ಯಾಂಕುಗಳು ಸಾಲದ ಮೇಲಿನ ಬಡ್ಡಿ ದರಗಳನ್ನು ಸ್ವಲ್ಪ ಮಟ್ಟಿಗೆ ಹೆಚ್ಚಿಸಬೇಕಾಗಬಹುದು.
ಇದರ ಪರಿಣಾಮವಾಗಿ, ನೀವು ಹೊಸದಾಗಿ ಕಾರು ಸಾಲ ಅಥವಾ ವೈಯಕ್ತಿಕ ಸಾಲ ಪಡೆಯಲು ಹೋದರೆ ಹೆಚ್ಚಿನ ಬಡ್ಡಿ ದರವನ್ನು ತೆರಬೇಕಾಗಬಹುದು.
