newsics.com/ನ್ಯೂಸಿಕ್ಸ್
ಪ್ರತಿಯೊಬ್ಬ ಮನುಷ್ಯನು ತನ್ನ ಕನಸು ಮತ್ತು ಮಹತ್ವಾಕಾಂಕ್ಷೆಗಳನ್ನು ಈಡೇರಿಸಲು, ದೀರ್ಘಾವಧಿಯ ಜೀವನವನ್ನು ನಡೆಸಲು ಬಯಸುತ್ತಾನೆ. ಆಧುನಿಕ ಜೀವನಶೈಲಿಯ ಒತ್ತಡಗಳು ಆರೋಗ್ಯದ ಕಾಳಜಿಯನ್ನು ಹೆಚ್ಚಿಸಿದ್ದರೂ, ಒಂದು ಸಂಶೋಧನೆಯು ನಾವು ಪ್ರಸ್ತುತ ಮಿತಿಗಳನ್ನು ಮೀರಬಹುದು ಎಂಬುದನ್ನು ಸೂಚಿಸುತ್ತದೆ.
https://youtube.com/shorts/eOoYZp9a9F0?si=CP6V90gKWCTFTFCS
ತಿಮಿಂಗಿಲಗಳಲ್ಲಿ ಕಂಡುಬರುವ ಪ್ರೊಟೀನ್, ಮಾನವರು 200 ವರ್ಷಗಳವರೆಗೆ ಬದುಕಲು ನೆರವಾಗಬಹುದೇ ಎಂದು ಅಮೆರಿಕದ ಸಂಶೋಧಕರು ಅಧ್ಯಯನ ನಡೆಸುತ್ತಿದ್ದಾರೆ.
200 ವರ್ಷಗಳವರೆಗೆ ಬದುಕಬಲ್ಲ ಮತ್ತು ರೋಗಗಳ ವಿರುದ್ಧ ಅಸಾಮಾನ್ಯ ಪ್ರತಿರೋಧ ಶಕ್ತಿಯನ್ನು ಹೊಂದಿರುವ ಬೋಹೆಡ್ ಎಂಬ ತಿಮಿಂಗಿಲವನ್ನು ಸಂಶೋಧನೆಯ ವಸ್ತುವನ್ನಾಗಿಸಿಕೊಂಡಿರುವ ಸಂಶೋಧಕರು, ಇವುಗಳ ವಿಶಿಷ್ಟ ಜೀವಶಾಸ್ತ್ರವು ಮಾನವರಿಗೂ ಅನ್ವಯವಾಗಬಹುದೇ ಎಂದು ಪರೀಕ್ಷಿಸುತ್ತಿದ್ದಾರೆ.
ಡಿಎನ್ಎ ಹಾನಿಯನ್ನು ತಡೆಯುವ ಪ್ರೊಟೀನ್ ಆಗಿರುವ ‘ಸಿಐಆರ್ಬಿಪಿ’ ಬೇರಾವುದೇ ಸಸ್ತನಿಗಳಿಗೆ ಹೋಲಿಸಿದಲ್ಲಿ ಈ ತಿಮಿಂಗಿಲಗಳಲ್ಲಿ 100ಪಟ್ಟು ಹೆಚ್ಚಿದೆ.
ಇದೀಗ ಪ್ರಯೋಗಾಲಯದಲ್ಲಿ ಮಾನವ ಜೀವಕೋಶ, ಹಣ್ಣಿನ ನೊಣಗಳ ಜೀವಕೋಶಗಳಿಗೆ ಈ ಪ್ರೊಟೀನ್ ಅನ್ನು ಸೇರಿಸಿದಾಗ, ಡಿಎನ್ಎ ದುರಸ್ತಿ ಪ್ರಕ್ರಿಯೆ ಗಮನಾರ್ಹವಾಗಿ ಸುಧಾರಿಸಿದ್ದು, ಹಣ್ಣಿನ ನೊಣಗಳ ಜೀವಿತಾವಧಿ ವಿಸ್ತರಿಸಲ್ಪಟ್ಟಿದೆ ಎಂದು ಕಂಡುಕೊಳ್ಳಲಾಗಿದೆ.
ಈ ತಿಮಿಂಗಿಲಗಳು ಅತಿ ಶೀತಲ ಸಮುದ್ರದಲ್ಲಿ ಜೀವಿಸುವುದರಿಂದ ಕಡಿಮೆ ತಾಪಮಾನವು ಈ ಪ್ರೊಟೀನ್ ಮತ್ತಷ್ಟು ವೃದ್ಧಿಸುತ್ತದೆ ಎಂದು ಅರಿಯಲಾಗಿದ್ದು, ಮಾನವರಲ್ಲಿ ನೈಸರ್ಗಿಕವಾಗಿ ಈ ಪ್ರೊಟೀನ್ ಮಟ್ಟ ಹೆಚ್ಚಿಸಲು ತಣ್ಣೀರು ಸ್ನಾನದಂತಹ ಜೀವನಶೈಲಿಯ ಬದಲಾವಣೆ ನೆರವಾಗಬಹುದೇ ಎಂಬ ಅಧ್ಯಯನವೂ ನಡೆಯುತ್ತಿದೆ.
