https://youtube.com/shorts/U8nUEfM6Yjc?si=6fq3EiIID4lUG0c4
newsics.com
ಟಾಲಿವುಡ್ನ ಜನಪ್ರಿಯ ನಟ ವಿಜಯ್ ದೇವರಕೊಂಡ ತಮ್ಮ ಮುಂದಿನ ಮಹತ್ವಾಕಾಂಕ್ಷೆಯ ಸಿನಿಮಾವನ್ನು ಘೋಷಣೆ ಮಾಡುವ ಮೂಲಕ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ. ಈಗಾಗಲೇ ನಟ ರಣಬಾಲಿ ಚಿತ್ರದ ಶೂಟಿಂಗ್ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದು, ಈ ಬ್ಯುಸಿ ವೇಳೆಯಲ್ಲೇ ಮತ್ತೊಂದು ಹೊಸ ಪ್ರಾಜೆಕ್ಟ್ ಘೋಷಣೆ ಮಾಡಿದ್ದಾರೆ.
ಖ್ಯಾತಿಯ ನಿರ್ದೇಶಕ ಶೌರ್ಯು ಜೊತೆ ವಿಜಯ್ ದೇವರಕೊಂಡ ಹೊಸ ಸಿನಿಮಾ ಅನೌನ್ಸ್ ಆಗಿದೆ. ಈ ಬಗ್ಗೆ ಇಂದು (ಏಪ್ರಿಲ್ 18) ಅಧಿಕೃತವಾಗಿ ಘೋಷಣೆ ಆಗಿದೆ. ಈ ಚಿತ್ರದಲ್ಲಿ ಅಂತರರಾಷ್ಟ್ರೀಯ ತಂತ್ರಜ್ಞರು ಕೆಲಸ ಮಾಡುತ್ತಿದ್ದಾರೆ ಎಂಬುದು ಗಮನಾರ್ಹ.
ಸಿನಿಮಾದ ಘೋಷಣೆಯ ಜೊತೆಗೆ ಹಂಚಿಕೊಂಡಿರುವ ಪೋಸ್ಟರ್ ಅತ್ಯಂತ ರೋಚಕವಾಗಿದೆ. ಇದರಲ್ಲಿ ವಿಜಯ್ ದೇವರಕೊಂಡ ಮತ್ತು ಚಿತ್ರತಂಡದ ಸದಸ್ಯರು ವಿಭಿನ್ನ ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಜಯ್ ದೇವರಕೊಂಡ ಅವರು ಬೇಟೆ ನಾಯಿಗಳ ಗುಂಪಿನ ಹಿಂದೆ ಹೆಜ್ಜೆ ಹಾಕುತ್ತಿದ್ದರೆ, ನಿರ್ದೇಶಕ ಶೌರ್ಯುವ್ ಕುದುರೆಯೊಂದಿಗೆ ಹೆಗಲ ಮೇಲೆ ಕತ್ತಿ ಹೊತ್ತು ಸಾಗುತ್ತಿದ್ದಾರೆ. ಉಳಿದ ಚಿತ್ರತಂಡದ ಸದಸ್ಯರೂ ಕೂಡ ಯುದ್ಧದ ಶಸ್ತ್ರಾಸ್ತ್ರಗಳನ್ನು ಹಿಡಿದುಕೊಂಡಿದ್ದು, ಈ ಚಿತ್ರವು ಭರ್ಜರಿ ಆ್ಯಕ್ಷನ್ ಅಥವಾ ವಾರ್ ಡ್ರಾಮಾ ಆಗಿರಬಹುದು ಎಂಬ ಸುಳಿವು ನೀಡಿದೆ.
ಈ ಬಗ್ಗೆ ಬರೆದುಕೊಂಡಿರುವ ವಿಜಯ್, ಶೌರ್ಯುವ್ ಅವರ ಅದ್ಭುತ ಕಲ್ಪನೆ ಮತ್ತು ತೀವ್ರವಾದ ಹೃದಯದೊಂದಿಗೆ ಈ ಸಿನಿಮಾವನ್ನು ಮಾಡುತ್ತಿರುವುದು ಖುಷಿ ತಂದಿದೆ. ಈ ಸಿನಿಮಾ ನಿರ್ಮಿಸುವ ಸವಾಲನ್ನು ಎದುರಿಸುತ್ತಿರುವ ತಂಡವನ್ನು ನಿಮಗೆ ಪರಿಚಯಿಸುತ್ತಿದ್ದೇನೆ. ನನ್ನ ಸಂಪೂರ್ಣ ಶ್ರಮವನ್ನು ಈ ಚಿತ್ರಕ್ಕಾಗಿ ನೀಡುತ್ತೇನೆ ಎಂದು ಭಾವುಕರಾಗಿ ಪೋಸ್ಟ್ ಮಾಡಿದ್ದಾರೆ.
