newsics.com
ಸಾಮಾನ್ಯವಾಗಿ ಮಗುವಿಗೆ ಜನ್ಮ ನೀಡುವ ಅಥವಾ ಗರ್ಭಿಣಿ ಮಹಿಳೆಯರ ದೇಹದ ತೂಕ ಮುಂಚೆಗಿಂತಲೂ ಹೆಚ್ಚಾಗಿರುತ್ತದೆ. ಮುಖದ ಬಣ್ಣ , ದೇಹದ ಆಕಾರ ಕೂಡ ಬದಲಾಗಿರುತ್ತದೆ. ಪತಿ ರಣವೀರ್ ಸಿಂಗ್ ಅವರೊಂದಿಗೆ ಮೊದಲ ಮಗುವಿನ ಆಗಮನಕ್ಕೆ ತಯಾರಿ ನಡೆಸುತ್ತಿರುವ ನಟಿ ದೀಪಿಕಾ ಪಡುಕೋಣೆ ಈಗ ತುಂಬಾನೇ ಮಿಂಚುತ್ತಿದ್ದಾರೆ. ಕಳೆದ ಕೆಲವು ತಿಂಗಳುಗಳಿಂದ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿರುವ ದೀಪಿಕಾಳನ್ನು ನೋಡಿ ಫ್ಯಾನ್ಸ್ ಗರ್ಭಿಣಿ ಕಳೆ ಬಂದಿದೆ ಎನ್ನುತ್ತಿದ್ದಾರೆ.
ದೀಪಿಕಾ ಅವರ ಹೇರ್ ಸ್ಟೈಲಿಸ್ಟ್ ಹೊಸ ಹೇರ್ಸ್ಟೈಲ್ ರೀಲ್ ಅನ್ನು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಈ ವೀಡಿಯೋದಲ್ಲಿ, ದೀಪಿಕಾ ತನ್ನ ಹೊಸ ಹೇರ್ಸ್ಟೈಲ್ ಅನ್ನು ಗೋಲ್ಡನ್ ಹೈಲೈಟ್ಗಳೊಂದಿಗೆ ತೋರಿಸುತ್ತಿರುವುದನ್ನು ಕಾಣಬಹುದು. ದೀಪಿಕಾ ಅವರು ಚಿಕ್ ಹಳದಿ ಮತ್ತು ಬಿಳಿ ಪಟ್ಟೆಯುಳ್ಳ ಶರ್ಟ್ ಧರಿಸಿದ್ದರು. ಸದ್ಯದಲ್ಲೇ ತಾಯಿಯಾಗುತ್ತಿರುವ ದೀಪಿಕಾ ಮುಖದಲ್ಲಿ ಅದಾಗ್ಲೇ ಕಳೆ ಬಂದಿದ್ದು, ಅಭಿಮಾನಿಗಳು ದೀಪಿಕಾ ಸೌಂದರ್ಯವನ್ನು ನೋಡಿ ಫಿಧಾ ಆಗಿದ್ದಾರೆ.
ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಅವರು ಸೆಪ್ಟೆಂಬರ್ನಲ್ಲಿ ತಮ್ಮ ಮೊದಲ ಮಗುವನ್ನು ನಿರೀಕ್ಷಿಸುತ್ತಿರುವುದಾಗಿ ಫೆಬ್ರವರಿ 2024 ರಲ್ಲಿ ಘೋಷಿಸಿದರು. ಕರೀನಾ ಕಪೂರ್ ಖಾನ್, ಪ್ರಿಯಾಂಕಾ ಚೋಪ್ರಾ, ಆಲಿಯಾ ಭಟ್, ಸೋನಮ್ ಕಪೂರ್ ಮತ್ತು ಕೃತಿ ಸನೋನ್ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು ಈ ದಂಪತಿಗಳಿಗೆ ಶುಭಾಶಯಗಳನ್ನು ಕೋರಿದ್ದರು.
