ಕಂಚಿನ ಪದಕ ಮುಡಿಗೇರಿಸಿಕೊಂಡ ಭಾರತೀಯ ಪುರುಷರ ಹಾಕಿ ತಂಡ

newsics.com

ಒಲಿಂಪಿಕ್ಸ್ ಪಂದ್ಯಾವಳಿಯಲ್ಲಿ ಚಿನ್ನ ಗೆಲ್ಲುವ ಭರವಸೆಯನ್ನು ಹುಟ್ಟಿಸಿದವರಲ್ಲಿ ಪುರುಷರ ಹಾಕಿ ತಂಡವು ಕೂಡ ಒಂದಿತ್ತು. ಆರಂಭದಲ್ಲಿ ಪುರುಷರ ಹಾಕಿ ತಂಡ ಆಡಿದ ಪರಿ, ದಶಕಗಳ ಬಳಿಕ ಆಸ್ಟ್ರೇಲಿಯಾ ಟೀಮ್‌ ಅನ್ನು ಬಗ್ಗು ಬಡಿದ ರೀತಿ ನೋಡಿ ಈ ಬಾರಿ ಹಾಕಿ ಚಿನ್ನವನ್ನು ಕೊರಳಿಗೆ ಹಾಕಿಕೊಂಡೆ ಬರಲಿದೆ ಎಂಬ ಭರವಸೆಗಳು ಮೂಡಿದ್ವು. ಆದ್ರೆ ಕೊನೆಯ ಕ್ಷಣದಲ್ಲಿ ಎಲ್ಲಾ ನಿರೀಕ್ಷೆಗಳು ಹುಸಿಯಾಗಿದೆ. ಆದ್ರೆ ಭಾರತ ಬರೀಗೈಯಲ್ಲಿ ಬಂದಿಲ್ಲ. ಕಂಚಿನ ಪದಕವನ್ನು ಕೊರಳಿಗೇರಿಸಿಕೊಂಡೇ ಭಾರತದ ಪುರುಷರ ಹಾಕಿ ತಂಡ ದೇಶಕ್ಕೆ ಮರಳುತ್ತಿದೆ.

ಪ್ಯಾರಿಸ್ ಅಂಗಳದಲ್ಲಿ ಸ್ಪೇನ್ ತಂಡವನ್ನು 2-1 ಅಂತರದಲ್ಲಿ ಸೋಲಿಸುವ ಮೂಲಕ ಭಾರತದ ಪುರುಷರ ಹಾಕಿ ತಂಡ ಕಂಚಿನ ಪದಕಕ್ಕೆ ಮುತ್ತಿಟ್ಟಿದೆ. ಕಳೆದ ಬಾರಿ ಟೋಕಿಯದಲ್ಲಿಯೂ ಕಂಚಿನ ಪದಕಕ್ಕೆ ಮುತ್ತಿಡುವ ಮೂಲಕ 52 ವರ್ಷ ಕಾಲದವರೆಗೂ ಹಾಕಿಯಲ್ಲಿ ಪದಕವಿಲ್ಲದ ಕೊರತೆಯನ್ನು ಭಾರತದ ಪುರುಷರ ಹಾಕಿ ತಂಡ ನೀಗಿಸಿತ್ತು.

1968 ಮತ್ತು 1972ರಲ್ಲಿ ನಿರಂತರವಾಗಿ ಚಿನ್ನದ ಪದಕ ಗೆದ್ದು ಇತಿಹಾಸ ಸೃಷ್ಟಿಸಿತ್ತು ಇದೇ ನಮ್ಮ ಭಾರತೀಯ ಪುರಷರ ಹಾಕಿ ತಂಡ. 52 ವರ್ಷಗಳಿಂದಲೂ ಮತ್ತೆ ಚಿನ್ನದ ಪದಕ ಗೆಲ್ಲಲಾಗಿಲ್ಲ ಎಂಬ ಕೊರಗೊಂದು ಇನ್ನೂ ಇದೆ. ಅದು ಮುಂದಿನ ದಿನಗಳಲ್ಲಿ ಸಾಕಾರಗೊಳ್ಳುವ ಭರವಸೆಯೂ ಇದೆ. ಇಂದು ನಡೆದ ಪಂದ್ಯದಲ್ಲಿ ಹರ್ಮನ್ಪ್ರೀತ್ ಸಿಂಗ್ ಎರಡು ಪೆನಾಲ್ಟಿ ಕಾರ್ನರ್ಗಳನ್ನು ಗೋಲಾಗಿ ಪರಿವರ್ತಿಸಿ ಭಾರತದ ಗೆಲುವಿನ ರೂವಾರಿಯಾಗಿದ್ದು ಎಲ್ಲರ ಖುಷಿಯನ್ನು ಇಮ್ಮಡಿಸಿದೆ.