newsics.com
ಪ್ರಾಣಿ ಪ್ರಪಂಚವೇ ಒಂದು ವಿಸ್ಮಯ. ಹಲವು ವಿಶೇಷ ಪ್ರಭೇದಗಳು ಭೂಮಿ ಮೇಲೆ ಇನ್ನೂ ಉಳಿದುಕೊಂಡಿದ್ದರೆ, ಇನ್ನೂ ಕೆಲವು ನಶಿಸಿ ಹೋಗಿವೆ. ಅಂತಹ ಅಪರೂಪದ ಉಭಯಚರ ಜೀವಿಯನ್ನು ವಿಜ್ಞಾನಿಗಳು ಆಂಧ್ರಪ್ರದೇಶದಲ್ಲಿ ಕಂಡು ಹಿಡಿದಿದ್ದಾರೆ.
ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಶೇಷಾಚಲಂ ಬೆಟ್ಟಗಳಲ್ಲಿ ಸ್ಯೂಡೋಫಿಲಾಟಸ್ ರೆಜಿಯಸ್ ಎಂಬ ಅಪರೂಪದ ಕಪ್ಪೆಯನ್ನು ಕಂಡುಹಿಡಿದಿದ್ದಾರೆ. ಜೊತೆಗೆ, ಗೌನಿತಿಮ್ಮೆಪಲ್ಲಿಯ ಪಲಮನೇರು ಕೌಂಡಿನ್ಯ ಅರಣ್ಯ ಪ್ರದೇಶದ ಬಳಿಯ ಕೊಳದಲ್ಲಿ ಶ್ರೀಲಂಕಾ ಮೂಲದ ಗೋಲ್ಡನ್ ಬ್ಯಾಕ್ಡ್ ಫ್ರಾಗ್ ರಾನಾ ಗ್ರ್ಯಾಸಿಲಿಸ್ ಎಂಬ ಮತ್ತೊಂದು ಕಪ್ಪೆಯನ್ನು ಪತ್ತೆ ಮಾಡಿದ್ದಾರೆ. ಆಂಧ್ರಪ್ರದೇಶ ಜೀವವೈವಿಧ್ಯ ಮಂಡಳಿಯ ಸದಸ್ಯರೊಂದಿಗೆ ಹೈದರಾಬಾದ್ ಝೂಲಾಜಿಕಲ್ ಸರ್ವೆ ಆಫ್ ಇಂಡಿಯಾದ ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ.
ಪ್ರಸ್ತುತ ಪತ್ತೆಯಾದ ಅಪರೂಪದ ಕಪ್ಪೆಯನ್ನು 2005 ರಲ್ಲಿ ಶ್ರೀಲಂಕಾದಲ್ಲಿ ಕಂಡುಬಂದಿತ್ತು. ಆ ದೇಶದ ಕಾಡುಗಳಲ್ಲಿ ಇದು ಸಾಮಾನ್ಯ ಕಪ್ಪೆ. ಈ ಕಪ್ಪೆಗೆ ಸಂಬಂಧಿಸಿದ ಮೂರು ಜಾತಿಗಳನ್ನು ಪಶ್ಚಿಮ ಘಟ್ಟಗಳಲ್ಲಿ ಈಗಾಗಲೇ ಗುರುತಿಸಲಾಗಿದೆ.
