newsics.com
ಬಾಲಿವುಡ್ನ ದಿಗ್ಗಜ ನಟ ಅಮಿತಾಭ್ ಬಚ್ಚನ್ ಮತ್ತು ಅವರ ಪತ್ನಿ, ಖ್ಯಾತ ನಟಿ ಹಾಗೂ ರಾಜಕಾರಣಿ ಜಯಾ ಬಚ್ಚನ್ ಅವರು ಸಾರ್ವಜನಿಕ ಪ್ರದೇಶದಲ್ಲಿ ಅದೆಷ್ಟೋ ಸಲ ತಮ್ಮ ಕೋಪದಿಂದ ವರ್ತಿಸಿದ್ದಾರೆ. ಇದೀಗದೆಹಲಿಯ ಕಾನ್ಸ್ಟಿಟ್ಯೂಷನ್ ಕ್ಲಬ್ ಆಫ್ ಇಂಡಿಯಾದಲ್ಲಿ ತಮ್ಮೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಯತ್ನಿಸಿದ ವ್ಯಕ್ತಿಯನ್ನು ಸಮಾಜವಾದಿ ಪಕ್ಷದ ರಾಜ್ಯಸಭಾ ಸದಸ್ಯೆ ಜಯಾ ಬಚ್ಚನ್ ತಳ್ಳಿ, ಆತನಿಗೆ ಬೈದಿರುವ ವಿಡಿಯೋ ವೈರಲ್ ಆಗಿದೆ.
ಜಯಾ ಬಚ್ಚನ್ ಅವರು ಯಾರೊಂದಿಗೂ ಮಾತನಾಡುತ್ತ ನಿಂತಿದ್ದರು. ಆಗ ಅಲ್ಲಿಗೆ ಬಂದವರೊಬ್ಬರು ಜಯಾ ಬಚ್ಚನ್ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಮುಂದಾದರು. ಅದನ್ನ ನೋಡಿ ಸಿಟ್ಟಾದ ಜಯಾ ಆ ವ್ಯಕ್ತಿಯ ಎದೆಗೆ ಕೈಹಾಕಿ ತಳ್ಳಿದ್ದಾರೆ. ಕೋಪದಿಂದ ಬೈದಿದ್ದಾರೆ. ʼಏನು ಮಾಡ್ತಿದ್ದೀರಾ? ಏನಿದು?..ʼ ಎಂದು ಕಟುವಾಗಿ ಪ್ರಶ್ನಿಸಿದ್ದಾರೆ. ಸೆಲ್ಫೀ ತೆಗೆಯಲು ಬಂದಿದ್ದವರು ಬಾಡಿದ ಮುಖ ಮಾಡಿಕೊಂಡು, ಮುಗುಳ್ನಗುತ್ತಲೇ ಸ್ವಾರಿ ಎಂದು ಹೇಳಿ ದೂರ ಸರಿದಿದ್ದಾರೆ.
ಜಯಾ ಬಚ್ಚನ್ಗೆ ದುರಹಂಕಾರ ಎಂದು ಕೆಲವರು ಟೀಕಿಸಿದ್ದರೆ ಇನ್ನು ಕೆಲವರು ಅಂತಹ ಹೆಂಗಸಿನ ಜೊತೆ ಆತ ಯಾಕೆ ಸೆಲ್ಫೀ ತೆಗೆದುಕೊಳ್ಳಬೇಕಿತ್ತು? ಎಂದು ಲೇವಡಿ ಮಾಡಿದ್ದಾರೆ.
https://x.com/iKnightRider19/status/1955193058653508003
