ಸೈಯಾರಾ ಸಿನಿಮಾ ನೋಡುತ್ತಾ ಭಾವಪರವಶನಾಗಿ ಕುಸಿದು ಬಿದ್ದ ಅಭಿಮಾನಿ - ವಿಡಿಯೋ ನೋಡಿ

newsics.com

‘ಮಾಸ್‌, ಆ್ಯಕ್ಷನ್‌ ಚಿತ್ರಗಳ ಅಬ್ಬರದ ನಡುವೆ ಬಾಲಿವುಡ್‌ನಲ್ಲಿ ಸದ್ಯ ರೊಮ್ಯಾಂಟಿಕ್‌ ಚಿತ್ರ ‘ಸೈಯಾರಾ’ ಸದ್ದು ಮಾಡುತ್ತಿದೆ. ಬಿಡುಗಡೆಯಾದ ಮೊದಲ ದಿನವೇ ದಾಖಲೆಗಳನ್ನು ನಿರ್ಮಿಸಿರುವ ಈ ಚಿತ್ರ, ಪ್ರೇಕ್ಷಕರಿಂದ ಸಿಕ್ಕಾಪಟ್ಟೆ ಪ್ರೀತಿಯನ್ನು ಗಳಿಸುತ್ತಿದೆ.

ಇದೀಗ, ವ್ಯಕ್ತಿಯೊಬ್ಬರು ಚಿತ್ರಮಂದಿರದಲ್ಲಿ ‘ಸೈಯಾರಾ’ ವೀಕ್ಷಿಸುತ್ತಾ, ಚಿತ್ರದ ಹಾಡೊಂದಕ್ಕೆ ಅತಿಯಾಗಿ ಭಾವನಾತ್ಮಕವಾಗಿ ಸ್ಪಂದಿಸಿದ್ದಾರೆ. ಶರ್ಟ್ ತೆಗೆದು ಜೋರಾಗಿ ಕೂಗಾಡುತ್ತಾ, ಎದೆ ಬಡಿದುಕೊಂಡ ಅವರು ಇದ್ದಕ್ಕಿದ್ದಂತೆ ಪ್ರಜ್ಞೆ ತಪ್ಪಿ ಕುಸಿದು ಬಿದ್ದಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ, ಆ ವ್ಯಕ್ತಿ ಎಷ್ಟು ಭಾವುಕರಾಗಿದ್ದರು ಎಂಬುದು ಸ್ಪಷ್ಟವಾಗಿ ಕಾಣುತ್ತದೆ.

ಅಹನ್ ಪಾಂಡೆ ಮತ್ತು ಅನೀತ್‌ ಪಡ್ಡಾ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಮೋಹಿತ್‌ ಸೂರಿ ಅವರ ನಿರ್ದೇಶನದ ಈ ಚಿತ್ರ ಜುಲೈ18ರಂದು ತೆರೆಕಂಡಿದೆ. ಬಿಡುಗಡೆಯಾದ ಮೊದಲ ವಾರಾಂತ್ಯದಲ್ಲೇ ದೇಶದ ಬಾಕ್ಸ್‌ ಆಫೀಸ್‌ನಲ್ಲಿ ₹83 ಕೋಟಿ ಗಳಿಕೆ ಮಾಡಿದೆ.