newsics.com
ಹುಡುಗಿ ಇಷ್ಟವಾದ್ರೂ ಅವಳನ್ನು ಮೀಟ್ ಮಾಡೋವಾಗ ಹುಡುಗ್ರು ಬೆವರ್ತಾರೆ. ಇನ್ನೂ ಒಮ್ಮೆಯೂ ನೋಡೇ ಇಲ್ಲ ಎನ್ನುವ ಹುಡುಗಿಯನ್ನು ಭೇಟಿಯಾಗೋವಾಗ ಸ್ಥಿತಿ ಮತ್ತಷ್ಟು ಹದಗೆಟ್ಟಿರುತ್ತೆ.
ಬರೀ ಹುಡುಗರು ಮಾತ್ರವಲ್ಲ ಹುಡುಗಿಯರಿಗೂ ಇರುಸು ಮುರುಸಾಗೋದಿದೆ. ಒಬ್ಬರೇ ಹೋಗೋದೇ ಇಲ್ಲಿ ದೊಡ್ಡ ಸಮಸ್ಯೆ. ಡೇಟಿಂಗ್ ಮಾಡೋರು ನೀವಾದ್ರೆ ನಿಮ್ಮ ಜತೆ ನಿಮ್ಮ ಸ್ನೇಹಿತರನ್ನು ಕರೆದುಕೊಂಡು ಹೋಗೋದು ಎಷ್ಟು ಸರಿ. ಇದು ಸಂಗಾತಿಗೆ ಇಷ್ಟವಾಗದೆ ಇರಬಹುದು. ಇದಕ್ಕೀಗ ಡೇಟಿಂಗ್ ಆ್ಯಪ್ ಟಿಂಡರ್ ಒಳ್ಳೆಯ ಪ್ಲಾನ್ ಮಾಡಿದೆ. ಹೊಸ ಫೀಚರ್ ಜತೆ ಬಂದಿದೆ. ಇನ್ಮುಂದೆ ಒಂಟಿಯಾಗಿ ಡೇಟಿಂಗ್ಗೆ ಹೋಗೋ ಟೆನ್ಷನ್ ಇಲ್ಲ. ನಿಮ್ಮ ಫ್ರೆಂಡ್ಸ್ ಕೂಡ ನಿಮ್ಮ ಜತೆ ಬರಬಹುದು. ಇದನ್ನು ಟಿಂಡರ್ ಡಬಲ್ ಡೇಟ್ (Tinder double date) ಎಂದು ನಾಮಕರಣ ಮಾಡಿದೆ.
ಟಿಂಡರ್ ಡೇಟಿಂಗ್ ಪ್ರೇಮಿಗಳಿಗಾಗಿಯೇ ಹೊಸ ಫೀಚರ್ ಶುರು ಮಾಡಿದೆ. ಇದ್ರಲ್ಲಿ ನೀವು ಮಾತ್ರ ಅಲ್ಲ ನಿಮ್ಮ ಸ್ನೇಹಿತರೂ ಡೇಟ್ಗೆ ಬರಬಹುದು.
ಏನಿದು ಡಬಲ್ ಡೇಟ್?
ಡಬಲ್ ಡೇಟ್ ಅಂದ್ರೆ ಒಬ್ಬರೇ ಇಬ್ಬರ ಜತೆ ಹೋಗೋದಲ್ಲ. ನೀವು ನಿಮ್ಮ ಹುಡುಗಿ ಜತೆ ಹೋದ್ರೆ ನಿಮ್ಮ ಸ್ನೇಹಿತ ಅವನ ಹುಡುಗಿ ಜತೆ ಬರ್ತಾನೆ. ಆದ್ರೆ ನಿಮ್ಮ ಹುಡುಗಿ ಜತೆ ಅವನ ಹುಡುಗಿಯನ್ನೂ ನೀವು ಟಿಂಡರ್ನ ಡಬಲ್ ಡೇಟ್ನಲ್ಲಿ ಸರ್ಚ್ ಮಾಡ್ಬಹುದು. ನಿಮ್ಮಿಬ್ಬರ ಜೋಡಿ, ಡಬಲ್ ಡೇಟ್ಗೆ ಸಿದ್ಧವಾದ ಇನ್ನೊಂದು ಜೋಡಿಯನ್ನು ಸರ್ಚ್ ಮಾಡ್ಬಹುದು. ಇದ್ರಲ್ಲಿ ನಾಲ್ವರು ಒಟ್ಟಿಗೆ ಚಾಟ್ ಮಾಡ್ಬಹುದು, ಒಟ್ಟಿಗೇ ಡೇಟ್ ಹೋಗಬಹುದು.
ಟಿಂಡರ್ನಲ್ಲಿ ನೋಡೋದು ಹೇಗೆ?
ಟಿಂಡರ್ ಅಪ್ಲಿಕೇಶನ್ ಓಪನ್ ಮಾಡಿದ ನಂತರ ಮೇಲಿನ ಬಲಭಾಗದಲ್ಲಿ ಡಬಲ್ ಡೇಟ್ ಐಕಾನ್ ನಿಮಗೆ ಸಿಗಲಿದೆ. ಇಲ್ಲಿ ನೀವು ನಿಮ್ಮ ಯಾವುದೇ ಸ್ನೇಹಿತರನ್ನು ಆಹ್ವಾನಿಸಬಹುದು. ಇಬ್ಬರೂ ಸ್ನೇಹಿತರು ಟೆಂಡರ್ಗೆ ಲಾಗಿನ್ ಮಾಡಿದಾಗ ಒಟ್ಟಿಗೆ ಪ್ರೊಫೈಲ್ಗಳನ್ನು ನೋಡ್ಬಹುದು. ಇಬ್ಬರಿಗೂ ಇಷ್ಟಪಡುವ ಪ್ರೊಫೈಲ್ಗಳೊಂದಿಗೆ ಮ್ಯಾಚ್ ಮಾಡ್ಬಹುದು.
ಆಮೇಲೆ ಏನು?
ಎರಡೂ ಗ್ರೂಪ್ ಪರಸ್ಪರ ಸ್ವೈಪ್ ಮಾಡಿದಾಗ, ಟಿಂಡರ್, ಗ್ರೂಪ್ ಚಾಟ್ ಕ್ರಿಯೆಟ್ ಮಾಡುತ್ತದೆ. ಇದ್ರಲ್ಲಿ ನಾಲ್ವರೂ ಪರಸ್ಪರ ಮಾತನಾಡಬಹುದು, ಒಬ್ಬರನ್ನೊಬ್ಬರು ತಿಳಿದುಕೊಳ್ಬಹುದು ಮತ್ತು ಎಲ್ಲವೂ ಸರಿಯಾಗಿದ್ದರೆ ಡಬಲ್ ಡೇಟಿಂಗ್ ಟೈಂ ಫಿಕ್ಸ್ ಮಾಡಬಹುದು.
ಯಾಕೆ ಶುರುವಾಯ್ತು?
ಟಿಂಡರ್ ಪ್ರಾಜೆಕ್ಟ್ ಮಾರ್ಕೆಟಿಂಗ್ ಮುಖ್ಯಸ್ಥ ಕ್ಲಿಯೊ ಲಾಂಗ್ ಪ್ರಕಾರ, ಈ ಫೀಚರ್ ಉದ್ದೇಶ ಡೇಟಿಂಗ್ ವೇಳೆ ಮಾನಸಿಕ ಒತ್ತಡ ಕಡಿಮೆ ಮಾಡುವುದಾಗಿದೆ. ಒಂಟಿಯಾಗಿ ಹೊಸಬರನ್ನು ಭೇಟಿಯಾಗಲು ಹೆದರುವ ಯುವಕರು ಫ್ರೆಂಡ್ಸ್ ಜತೆಯಲ್ಲಿದ್ರೆ ಅದನ್ನು ಹಗುರವಾಗಿ ತೆಗೆದುಕೊಳ್ತಾರೆ. ಮೀಟಿಂಗ್ ಕೂಲ್ ಆಗಿ ನಡೆಯತ್ತೆ. ಮೋಜಿನಿಂದ ಕೂಡಿರುತ್ತೆ ಎನ್ನುತ್ತಾರೆ ಕ್ಲಿಯೊ ಲಾಂಗ್.
Gen-Z ಬಳಕೆದಾರರಿಗೆ ಇದು ಹೆಚ್ಚು ಆರಾಮದಾಯಕವಾಗಿರಲಿದೆ ಎಂದು ಕ್ಲಿಯೊ ಲಾಂಗ್ ಅಭಿಪ್ರಾಯಪಟ್ಟಿದ್ದಾರೆ. ಟಿಂಡರ್ನ ಈ ಫೀಚರ್ ಸದ್ಯ ಯುಎಸ್ನಲ್ಲಿ ಮಾತ್ರ ಶುರುವಾಗಿದೆ. ಜುಲೈ 2025 ರ ವೇಳೆಗೆ ಇದನ್ನು ಜಗತ್ತಿನಾದ್ಯಂತ ಬಿಡುಗಡೆ ಮಾಡಲು ಕಂಪನಿ ಮುಂದಾಗಿದೆ. ಶೀಘ್ರವೇ ಭಾರತದ ಬಳಕೆದಾರರಿಗೂ ಈ ಸೌಲಭ್ಯ ಸಿಗಲಿದೆ.
ಭಾರತದಲ್ಲಿ ಡೇಟಿಂಗ್ ಅಪ್ಲಿಕೇಷನ್ ಬಳಕೆದಾರರ ಸಂಖ್ಯೆ ಹೆಚ್ಚಿದೆ. 2023ರಲ್ಲಿ ಟಿಂಡರ್ ಭಾರತದಲ್ಲಿ ಅತಿ ಹೆಚ್ಚು ಮಾಸಿಕ ಸಕ್ರಿಯ ಬಳಕೆದಾರರನ್ನು ಹೊಂದಿರುವ ಡೇಟಿಂಗ್ ಅಪ್ಲಿಕೇಶನ್ ಆಗಿತ್ತು. ಒಂಬತ್ತು ಮಿಲಿಯನ್ಗಿಂತಲೂ ಹೆಚ್ಚು ಬಳಕೆದಾರರು ಇದರಲ್ಲಿದ್ದರು. ಪ್ರಸ್ತುತ ಬಂಬಲ್, ಶಾದಿ.ಕಾಮ್ ಮತ್ತು ಜೀವನಸಾಥಿ ಸೇರಿದಂತೆ ಅನೇಕ ಡೇಟಿಂಗ್ ಅಪ್ಲಿಕೇಷನ್ಗಳು ಸಾಕಷ್ಟು ಜನಪ್ರಿಯವಾಗಿವೆ.
