newsics.com/ನ್ಯೂಸಿಕ್ಸ್
ಬಿಗ್ ಬಾಸ್ ಕನ್ನಡ ಸೀಸನ್ 12’ರ ಯಶಸ್ಸಿನ ಅಲೆ ಇನ್ನೂ ತಣ್ಣಗಾಗುವ ಮುನ್ನವೇ, ಇತ್ತ ಕಿರುತೆರೆಯಲ್ಲಿ ಹೊಸ ಇತಿಹಾಸ ಸೃಷ್ಟಿಸಲು ‘ಬಿಗ್ ಬಾಸ್ ಕನ್ನಡ 13’ರ ಪೂರ್ವಭಾವಿ ಸಿದ್ಧತೆಗಳು ಭರದಿಂದ ಆರಂಭವಾಗಿವೆ.
ಈಗಾಗಲೇ ಸ್ಪರ್ಧಿಗಳ ಆಯ್ಕೆ ಪ್ರಕ್ರಿಯೆ ಚುರುಕುಗೊಂಡಿದ್ದು, ಈ ಬಾರಿಯೂ ಜನಸಾಮಾನ್ಯರಿಗೆ ಬಿಗ್ ವೇದಿಕೆ ಕಲ್ಪಿಸಲಾಗಿದೆ. ಆಸಕ್ತರು ತಮ್ಮ ಆಡಿಷನ್ ವೀಡಿಯೋಗಳನ್ನು ಆನ್ಲೈನ್ ಮೂಲಕ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಈ ಬಾರಿಯ ಸೀಸನ್ನಲ್ಲೂ ಜನಸಾಮಾನ್ಯರ ಜೊತೆಗೆ ಸ್ಯಾಂಡಲ್ವುಡ್ ಹಾಗೂ ಕಿರುತೆರೆಯ ಹಲವು ಪ್ರಮುಖ ಸೆಲೆಬ್ರಿಟಿಗಳು ಮನೆ ಪ್ರವೇಶಿಸಲಿದ್ದಾರೆ. ಸದ್ಯಕ್ಕೆ ಯಾರೂ ಅಧಿಕೃತವಾಗಿ ಆಯ್ಕೆಯಾಗದಿದ್ದರೂ, ಸಾಮಾಜಿಕ ಜಾಲತಾಣಗಳಲ್ಲಿ ವೀಕ್ಷಕರು ತಮಗೆ ಇಷ್ಟವಾದ ಕಲಾಭಿಮಾನಿಗಳ ಬಯಕೆಯ ಪಟ್ಟಿಯೊಂದನ್ನು (Wishlist) ಸಿದ್ಧಪಡಿಸಿದ್ದು, ಈ ಕೆಳಗಿನ ಹೆಸರುಗಳು ಮುಂಚೂಣಿಯಲ್ಲಿ ಕೇಳಿಬರುತ್ತಿವೆ.
ಕಿರುತೆರೆ ತಾರೆಯರು: ‘ಅಮೃತವರ್ಷಿಣಿ’ ಖ್ಯಾತಿಯ ರಜನಿ, ‘ಗಟ್ಟಿಮೇಳ’ ಧಾರಾವಾಹಿಯ ಸಿದ್ದು ಮೂಲಿಮನಿ, ‘ಗೌರಿಶಂಕರ’ ಸೀರಿಯಲ್ನಿಂದ ಇತ್ತೀಚೆಗಷ್ಟೇ ಹೊರಬಂದ ಬೆಡಗಿ ದಿವ್ಯಾ ವಾಗುಕರ್ ಹಾಗೂ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿಯ ಸುನೀತಾ ಶೆಟ್ಟಿ ಅವರ ಹೆಸರುಗಳು ಕೇಳಿಬರುತ್ತಿವೆ.ಹಾಸ್ಯ ಹಾಗೂ ಉದಯೋನ್ಮುಖ ನಟರು: ಕಾಮಿಡಿ ಕಿಲಾಡಿಗಳು ವಿನ್ನರ್ ಶಿವರಾಜ್ ಕೆ.ಆರ್. ಪೇಟೆ, ಭರಪೂರ ಎಂಟರ್ಟೇನರ್ ಮಿಮಿಕ್ರಿ ಗೋಪಿ, ‘ಯೆಲ್ಲೋ ಗ್ಯಾಂಗ್ಸ್’ ಖ್ಯಾತಿಯ ನಟ ಅರುಣ್ ಅಗಸ್ತ್ಯ ಹಾಗೂ ಸದಾ ಖಳನಾಯಕನಾಗಿ ಅಬ್ಬರಿಸುವ ಹಿರಿಯ ನಟ ಕೋಟೆ ಪ್ರಭಾಕರ್ ಅವರನ್ನು ಮನೆಯೊಳಗೆ ನೋಡಲು ವೀಕ್ಷಕರು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಸೋಷಿಯಲ್ ಮೀಡಿಯಾ ಹಾಗೂ ವಿವಾದಿತ ಸ್ಟಾರ್ಸ್: ಆಸ್ಟ್ರೇಲಿಯಾದಲ್ಲಿ ನೆಲೆಸಿ, ನೇರ ಮಾತುಗಳಿಂದಲೇ ಹೆಸರಾದ ಸಂಜನಾ ಜಯಂತ್, ‘ಭೀಮ’ ಸಿನಿಮಾ ಹಾಗೂ ರಿಯಾಲಿಟಿ ಶೋ ವಿವಾದದ ಮೂಲಕ ಸದ್ದು ಮಾಡಿದ್ದ ಆಶ್ ಮೆಲೊ (ಐಶ್ವರ್ಯ) ಮತ್ತು ಕಳೆದ ಕೆಲವು ವರ್ಷಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ನಲ್ಲಿರುವ ಕಾಫಿ ನಾಡು ಚಂದು ಅವರ ಎಂಟ್ರಿಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಉತ್ತರ ಕರ್ನಾಟಕದ ಧ್ವನಿ: ಉತ್ತರ ಕರ್ನಾಟಕ ಭಾಗದಿಂದ ಈ ಬಾರಿ ಜಾನಪದ ಗಾಯಕ ಬಾಳು ಬೆಳಗುಂದಿ ಅವರು ಬಂದರೆ ಶೋಗೆ ಕಳೆ ಬರಲಿದೆ ಎಂಬುದು ವೀಕ್ಷಕರ ಅಭಿಪ್ರಾಯವಾಗಿದೆ. ಸ್ಪರ್ಧಿಗಳ ಅಂತಿಮ ಪಟ್ಟಿ ಸದ್ಯದಲ್ಲೇ ಪ್ರಕಟವಾಗಲಿದ್ದು, ಈ ಬಾರಿ ಬಿಗ್ ಬಾಸ್ ಯಾರಿಗೆಲ್ಲಾ ಬುಲಾವ್ ನೀಡಲಿದ್ದಾರೆ ಎಂಬ ಕುತೂಹಲ ಸದ್ಯ ಹರಡಿದೆ.
