newsics.com/ನ್ಯೂಸಿಕ್ಸ್
ರಣವೀರ್ ಸಿಂಗ್ ನಟನೆಯ ‘ಧುರಂಧರ್ 2’ ಸಿನಿಮಾ ಬಿಡುಗಡೆಯಾದ ಬಳಿಕ ಸಾಮಾಜಿಕ ಮಾಧ್ಯಮದಲ್ಲಿ ಈ ಪಾನೀಯ ಟ್ರೆಂಡಿಂಗ್ನಲ್ಲಿದೆ. ಈ ಸಿನಿಮಾದಲ್ಲಿ ರಣವೀರ್ ಸಿಂಗ್ ಗುಲಾಬಿ ಬಣ್ಣದ ದೂಧ್ ಸೋಡಾವನ್ನು ಕುಡಿಯುತ್ತಾರೆ. ಅದುವೇ ಜನಪ್ರಿಯ ದೂಧ್ ಸೋಡಾ
ಈ ದೂಧ್ ಸೋಡಾ ಪಾಕಿಸ್ತಾನದಲ್ಲಿ ಜನಪ್ರಿಯವಾದಗಿದೆ. ಲಾಹೋರ್ ಮತ್ತು ಕರಾಚಿಯಂತಹ ನಗರಗಳಲ್ಲಿ ದೈನಂದಿನ ನೆಚ್ಚಿನ ಪಾನೀಯವಾಗಿದೆ. ವಿಶೇಷವಾಗಿ ಬೀದಿ ಬದಿ ವ್ಯಾಪಾರಿಗಳು ಬೇಸಿಗೆಯಲ್ಲಿ ಇದನ್ನು ವ್ಯಾಪಕವಾಗಿ ಮಾರಾಟ ಮಾಡುತ್ತಾರೆ.
ಈ ಪಾನೀಯವು ಮೊದಲು ಬಳಕೆಗೆ ಬಂದಿದ್ದು ಪಶ್ಚಿಮ ಭಾರತದಲ್ಲಿ ಎಂದು ನಂಬಲಾಗುತ್ತದೆ. ಅಲ್ಲಿನ ವ್ಯಾಪಾರಿಗಳು ಬೇಸಿಗೆ ಸೆಕೆಯಿಂದ ಮುಕ್ತಿ ಪಡೆಯಲು ಮಣ್ಣಿನ ಮಡಕೆಗಳಲ್ಲಿ ಸಂಗ್ರಹಿಸಿಟ್ಟ ತಣ್ಣನೆಯ ಹಾಲನ್ನು, ಫ್ಲೇವರ್ಡ್ ಸಿರಪ್ ಗಳು ಮತ್ತು ಸೋಡಾದೊಂದಿಗೆ ಬೆರೆಸುತ್ತಿದ್ದರು. ಸಾಂಪ್ರದಾಯಿಕ ಹಾಲಿನ ಪಾನೀಯಗಳ ಹಿತವಾದ ಅನುಭವ ಮತ್ತು ಸೋಡಾದ ಆಹ್ಲಾದಕರ ಅಂಶಗಳನ್ನು ಯಶಸ್ವಿಯಾಗಿ ಮಿಶ್ರಣ ಮಾಡಿರುವ ಕಾರಣದಿಂದ ಇದು ತಕ್ಷಣ ಜನಪ್ರಿಯವಾಯಿತು.
ಇದನ್ನು ತಯಾರಿಸುವುದು ಸುಲಭ ಮತ್ತು ವೆಚ್ಚವೂ ಕಡಿಮೆ ಇರುವುದರಿಂದ ಇದು ಎಲ್ಲರಿಗೂ ಲಭ್ಯವಿರುವ ಪಾನೀಯವಾಗಿದೆ. ಅಲ್ಲದೆ, ಇದನ್ನು ನಮಗೆ ಬೇಕಾದಂತೆ ಬದಲಿಸಿಕೊಳ್ಳಲು ಅವಕಾಶವಿರುವುದರಿಂದ ರೋಸ್, ಚಾಕೊಲೇಟ್ ಅಥವಾ ಪಿಸ್ತಾದಂತಹ ಜನಪ್ರಿಯ ಫ್ಲೇವರ್ ಗಳನ್ನು ಇದರಲ್ಲಿ ಕಾಣಬಹುದು. ಕುತೂಹಲಕಾರಿ ವಿಷಯವೆಂದರೆ, ದೂಧ್ ಸೋಡಾವನ್ನು ಸಾಮಾನ್ಯವಾಗಿ ಒಂದು ರೀತಿಯ ಫಲೂದಾ ಎಂದು ಹೇಳಲಾಗುತ್ತದೆ. ಶ್ಯಾವಿಗೆ ಅಥವಾ ತುಳಸಿ ಬೀಜ ಅಥವಾ ಸಬ್ಜಾ ಬೀಜಗಳಂತಹ ಪದಾರ್ಥಗಳನ್ನು ಸೇರಿಸದಿದ್ದರೂ ಇದು ಅದೇ ರೀತಿಯ ಕೆನೆಯುಕ್ತ ತೃಪ್ತಿಯನ್ನು ನೀಡುತ್ತದೆ.
ಪೌಷ್ಟಿಕಾಂಶದ ದೃಷ್ಟಿಕೋನದಿಂದ ನೋಡುವುದಾದರೆ, ಸಾಧಾರಣ 250 ಮಿಲಿ ಲೋಟದ ದೂಧ್ ಸೋಡಾವು ಸಾಕಷ್ಟು ಸಾಂದ್ರತೆಯಿಂದ ಕೂಡಿದೆ. ಇದರಲ್ಲಿ ಸಾಮಾನ್ಯವಾಗಿ 160 ರಿಂದ 220 ಕ್ಯಾಲೋರಿಗಳಿರುತ್ತವೆ. ಹಾಲು ಮತ್ತು ಫ್ಲೇವರ್ಡ್ ಸಿರಪ್ ಗಳ ಕಾರಣದಿಂದಾಗಿ 25 ರಿಂದ 35 ಗ್ರಾಂ ಕಾರ್ಬೋಹೈಡ್ರೇಟ್ಸ್ ಮತ್ತು 20 ರಿಂದ 30 ಗ್ರಾಂನಷ್ಟು ಸಕ್ಕರೆಯ ಅಂಶ ಇದರಲ್ಲಿರುತ್ತದೆ. ಸಕಾರಾತ್ಮಕ ಅಂಶವೆಂದರೆ, ಈ ಪಾನೀಯವು ಹಾಲಿನ ಆಧಾರಿತವಾಗಿರುವುದರಿಂದ ಇದು 5 ರಿಂದ 7 ಗ್ರಾಂ ಪ್ರೋಟೀನ್ ಮತ್ತು ಸರಿಸುಮಾರು 200 ರಿಂದ 250 ಮಿಲಿಗ್ರಾಂ ಕ್ಯಾಲ್ಸಿಯಂ ಅನ್ನು ನೀಡುತ್ತದೆ. ಇದರೊಂದಿಗೆ ಸ್ವಲ್ಪ ಪ್ರಮಾಣದ ಕೊಬ್ಬು ಮತ್ತು ಸೋಡಿಯಂ ಕೂಡ ಇರುತ್ತದೆ. ಕಾರ್ಬೊನೇಟೆಡ್ ನೀರು ತನ್ನ ವಿಶಿಷ್ಟವಾದ ನೊರೆಯೊಂದಿಗೆ ಈ ಪಾನೀಯಕ್ಕೆ ಸ್ವಲ್ಪ ಪ್ರಮಾಣದ ಕ್ಯಾಲೋರಿಗಳನ್ನು ಸೇರಿಸುತ್ತದೆ.
ಸಾಂಸ್ಕೃತಿಕವಾಗಿ, ಇದನ್ನು ಬೇಸಿಗೆಯ ದಿನಗಳಲ್ಲಿ ತಂಪು ನೀಡುವ ಪಾನೀಯವೆಂದು ಪರಿಗಣಿಸಲಾಗುತ್ತದೆ ಮತ್ತು ಮದುವೆಗಳಲ್ಲಿ ಅಥವಾ ರಂಜಾನ್ ಸಮಯದಲ್ಲಿ ಹೆಚ್ಚಾಗಿ ನೀಡಲಾಗುತ್ತದೆ. ಆದರೆ ಮತ್ತೊಂದೆಡೆ, ಕೋಲಾಗಳಲ್ಲಿ ಫಾಸ್ಪರಿಕ್ ಆಮ್ಲವಿರುತ್ತದೆ. ಇದನ್ನು ಹಾಲಿಗೆ ಸೇರಿಸಿದಾಗ, ಈ ಆಮ್ಲವು ಹಾಲಿನ ಪ್ರೋಟೀನ್ ಗಳು (ಕೆಸೀನ್) ಒಂದಕ್ಕೊಂದು ಸೇರಿಕೊಂಡು ಹೆಪ್ಪುಗಟ್ಟುವಂತೆ ಮಾಡುತ್ತದೆ. ಕಾರ್ಬೊನೇಶನ್ (ಗುಳ್ಳೆಗಳು) ಮತ್ತು ಲ್ಯಾಕ್ಟೋಸ್ (ಹಾಲಿನ ಸಕ್ಕರೆ) ಸಂಯೋಜನೆಯು ನಿಮ್ಮ ಕರಳಿನಲ್ಲಿ ಹೆಚ್ಚಿನ ಆಸ್ಮೋಟಿಕ್ ಒತ್ತಡಕ್ಕೆ ಕಾರಣವಾಗಬಹುದು. ಇದು ಸೂಕ್ಷ್ಮ ಹೊಟ್ಟೆಯ ಗುಣವುಳ್ಳವರಲ್ಲಿ ಹೊಟ್ಟೆ ಉಬ್ಬರ, ಗ್ಯಾಸ್ ಅಥವಾ ಅತಿಸಾರಕ್ಕೆ ಕಾರಣವಾಗಬಹುದು.
