Subscribe ನ್ಯೂಸಿಕ್ಸ್ ಕನ್ನಡ
newsics.com
ಇಂದಿನ ದಿನಗಳಲ್ಲಿ ನಾವೆಲ್ಲಾರೂ ಮೊಬೈಲ್ ಫೋನ್ ಗೆ ಎಷ್ಟು ಎಡಿಕ್ಟ್ ಆಗಿ ಬಿಟ್ಟಿದ್ದೇವೆ ಎಂದರೆ ಹೊಟ್ಟೆಗೆ ತಿನ್ನುವಾಗ, ಕುಡಿಯುವಾಗ, ನಡೆಯುವಾಗ, ಕುಳಿತುಕೊಳ್ಳುವಾಗ ಅಥವಾ ಸುಮ್ನೆ ನಿಂತು ಕೊಂಡಿರುವಾಗಲೂ ಕೂಡ ನಮ್ಮ ಕಣ್ಣುಗಳು ಯಾವಾಗಲೂ ಅವುಗಳ ಮೇಲೆಯೇ ಇರುತ್ತವೆ. ಒಂದು ವೇಳೆ ನೀವೂ ಕೂಡ ಇದೇ ರೀತಿಯ ಮೊಬೈಲ್ ಚಟವನ್ನು ಬೆಳೆಸಿಕೊಂಡಿದ್ದರೆ, ಜಾಗರೂಕರಾಗಿರಬೇಕಾದ ಸಮಯ.ಅದರಲ್ಲೂ ಹಾಸಿಗೆಯ ಪಕ್ಕದಲ್ಲಿಯೇ ಮೊಬೈಲ್ ಅನ್ನು ಪಕ್ಕದಲ್ಲಿಟ್ಟು ಮಲಗುವ ಅಭ್ಯಾಸ ಮಾಡಿಕೊಂಡರೆ, ನಿದ್ರೆಯ ಸಮಸ್ಯೆಗಳ ಜತೆಗೆ ಕ್ಯಾನ್ಸರ್ ಕೂಡ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆಯಂತೆ!
ಕ್ಯಾಲಿಫೋರ್ನಿಯಾದ ಲಾಸ್ ಏಂಜಲೀಸ್ನ ಅರಿವಳಿಕೆ ತಜ್ಞ ಡಾ. ಮೈರೋ ಫಿಗುರಾ ಅವರು ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್ನಲ್ಲಿ ಈ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ. ಅವರು ಏನು ಹೇಳಿದ್ದಾರೆ ಮತ್ತು ನಿಜವಾಗಿಯೂ ಇದರಿಂದ ಕ್ಯಾನ್ಸರ್ ಅಪಾಯವಿದೆಯೇ ಎಂಬ ವಿವರ ಇಲ್ಲಿದೆ.
ಮೊಬೈಲ್ ನಿಜವಾಗಿಯೂ ಆರೋಗ್ಯದ ಮೇಲೆ ಪರಿಣಾಮ ಬೀರಬಲ್ಲದೇ? ಡಾ. ಫಿಗುರಾ ಅವರ ಪ್ರಕಾರ, ಮಲಗುವಾಗ ಫೋನ್ ಅನ್ನು ತಲೆಯ ಹತ್ತಿರ ಇಟ್ಟುಕೊಳ್ಳುವುದು ಸರಿಯಲ್ಲ. “ನೀವು ಫೋನ್ ಅನ್ನು ತಲೆಗೆ ತೀರಾ ಹತ್ತಿರದಲ್ಲಿಟ್ಟುಕೊಂಡು ಮಲಗುತ್ತಿದ್ದರೆ, ಈ ಅಭ್ಯಾಸವನ್ನು ಬದಲಾಯಿಸಿಕೊಳ್ಳಬೇಕು. ನೀವು ಫೋನ್ ಬಳಸದಿದ್ದರೂ ಸಹ ಅದು ವಿಕಿರಣವನ್ನು ಹೊರಸೂಸುತ್ತಿರುತ್ತದೆ. ಇದು ನಿದ್ರೆಯ ಗುಣಮಟ್ಟವನ್ನು ಕೆಡಿಸಬಹುದು, ತಲೆನೋವಿಗೆ ಕಾರಣವಾಗಬಹುದು ಮತ್ತು ದೀರ್ಘಕಾಲದವರೆಗೆ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸಬಹುದು” ಎಂದು ಅವರು ಹೇಳುತ್ತಾರೆ.
ವಿಕಿರಣದ ಬಗ್ಗೆ ಅವರು ಸ್ಪಷ್ಟಪಡಿಸುವುದೇನೆಂದರೆ, ಮೊಬೈಲ್ನಿಂದ ಹೊರಬರುವ ವಿಕಿರಣವು “ನಾನ್-ಅಯೋನೈಜಿಂಗ್” ಆಗಿರುತ್ತದೆ. ಇದು ಸೂರ್ಯನ ಕಿರಣಗಳು, ವೈದ್ಯಕೀಯ ಇಮೇಜಿಂಗ್ ಅಥವಾ ವಿಕಿರಣಶೀಲ ಮೂಲಗಳಂತೆ ನೇರವಾಗಿ ಡಿಎನ್ಎ ಮೇಲೆ ಹಾನಿ ಮಾಡುವುದಿಲ್ಲ. ಆದರೂ ಸಹ ಇದನ್ನು ವಿಕಿರಣದ ವರ್ಗಕ್ಕೆ ಸೇರಿಸಲಾಗಿದೆ. ಇದೇ ಕಾರಣಕ್ಕೆ ವಿಶ್ವ ಆರೋಗ್ಯ ಸಂಸ್ಥೆ ಇದನ್ನು ಮನುಷ್ಯರಿಗೆ ಸಂಭವನೀಯ ಕ್ಯಾನ್ಸರ್ ಕಾರಕ ಎಂದು ವರ್ಗೀಕರಿಸಿದೆ. ಕಾಫಿ ಮತ್ತು ಉಪ್ಪಿನಕಾಯಿಯಂತಹ ವಸ್ತುಗಳೂ ಸಹ ಇದೇ ವರ್ಗಕ್ಕೆ ಸೇರುತ್ತವೆ ಎಂಬುದು ಗಮನಾರ್ಹ.
ಡಾ. ಫಿಗುರಾ ಅವರು ಅಪಾಯವು ಕೇವಲ ವಿಕಿರಣಕ್ಕೆ ಸೀಮಿತವಾಗಿಲ್ಲ ಎಂದು ಹೇಳುತ್ತಾರೆ. ಹಲವಾರು ಬಾರಿ ಚಾರ್ಜಿಂಗ್ ಸಮಯದಲ್ಲಿ ಫೋನ್ ಓವರ್ಹೀಟ್ ಆಗಿ ಬೆಂಕಿ ಹೊತ್ತಿಕೊಂಡ ಘಟನೆಗಳೂ ನಡೆದಿವೆ. ಆದ್ದರಿಂದ ಫೋನ್ ಅನ್ನು ಹಾಸಿಗೆಯಿಂದ ದೂರವಿಡುವುದು ಉತ್ತಮ. ಸಾಧ್ಯವಾದರೆ ಕೋಣೆಯ ಇನ್ನೊಂದು ತುದಿಯಲ್ಲಿ ಇರಿಸಿ. ಇದರಿಂದ ನಿದ್ರೆಯೂ ಚೆನ್ನಾಗಿರುತ್ತದೆ ಮತ್ತು ಆರೋಗ್ಯದ ಅಪಾಯಗಳೂ ಕಡಿಮೆಯಾಗುತ್ತವೆ.
https://www.newsics.com/2026/02/13/nurse-dies-of-nipah-virus-in-west-bengal/
