Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಕೋಟಾ: ಕಳ್ಳತನಕ್ಕೆ ಹೋದ ಕಳ್ಳ ಅಡುಗೆ ಮನೆ ಫ್ಯಾನ್ ರಂಧ್ರದಲ್ಲಿ ಸಿಲುಕಿಕೊಂಡ ಘಟನೆ ರಾಜಸ್ಥಾನದ ಕೋಟಾದಲ್ಲಿ ನಡೆದಿದೆ
ಸುಭಾಷ್ ಕುಮಾರ್ ರಾವತ್ ಅವರ ಮನೆಯ ಕಿಚನ್ ಎಕ್ಸಾಸ್ಟ್ ಫ್ಯಾನ್ ಶಾಫ್ಟ್ ಮೂಲಕ ನುಗ್ಗಿ ಕಳವು ಮಾಡಲು ಪ್ರಯತ್ನಿಸಿದ ಕಳ್ಳ ಸಣ್ಣ ರಂಧ್ರದಲ್ಲಿ ಸಿಕ್ಕಿಹಾಕಿಕೊಂಡಿದ್ದಾನೆ.
ಜನವರಿ 3ರಂದು ಸುಭಾಷ್ ಕುಮಾರ್ ರಾವತ್ ಖಾತುಶ್ಯಾಮ್ಜಿಗೆ ಹೋಗಿದ್ದರು. ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಕಳ್ಳರು ಆಗಮಿಸಿದ್ದರು. ಪೊಲೀಸ್ ಸ್ಟಿಕ್ಕರ್ ಹೊಂದಿದ ಕಾರಿನಲ್ಲಿ ಬಂದಿದ್ದ ಆರೋಪಿಗಳು ಅನುಮಾನ ಬರದಂತೆ ಯೋಜನೆ ರೂಪಿಸಿದ್ದರು. ಆದರೆ ಎಕ್ಸಾಸ್ಟ್ ಫ್ಯಾನ್ ಶಾಫ್ಟ್ ಮೂಲಕ ಮನೆಗೆ ನುಸುಳಲು ಪ್ರಯತ್ನಿಸಿದಾಗ ಕಳ್ಳನೊಬ್ಬ ಸಿಕ್ಕಿಹಾಕಿಕೊಂಡ. ಅವನ ದೇಹದ ಒಂದು ಭಾಗ ಮನೆಯೊಳಗೆ, ಉಳಿದಭಾಗ ಹೊರಗೆ ತೂಗುತ್ತಿತ್ತು.
ಮರುದಿನ ಮಧ್ಯರಾತ್ರಿ ಸುಮಾರು 1 ಗಂಟೆಗೆ ಮನೆಗೆ ಮರಳಿದ ರಾವತ್ ಅವರ ಪತ್ನಿ ಸ್ಕೂಟರ್ ಲೈಟ್ ಹಾಕಿ ಬೀಗ ತೆಗೆಯುತ್ತಿದ್ದಾಗ ಶಬ್ದ ಕೇಳಿ ಆತಂಕಗೊಂಡರು. ಆಗ ಕಳ್ಳನ ಸಹಚರ ಓಡಿಹೋದ.
ಪೊಲೀಸರು ಆಗಮಿಸಿ ಸಿಕ್ಕಿಹಾಕಿಕೊಂಡಿದ್ದ ಕಳ್ಳನನ್ನು ರಕ್ಷಿಸಿ ಬಂಧಿಸಿದರು.ಪರಾರಿಯಾದ ಸಹಚರನನ್ನು ಹುಡುಕುತ್ತಿರುವ ಪೊಲೀಸರು, ಆರೋಪಿ ಇತರ ಕಳ್ಳತನ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾನೇ ಎಂದು ತನಿಖೆ ನಡೆಸುತ್ತಿದ್ದಾರೆ.
