Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಮುಂಬೈ : ನಟ ಉಪೇಂದ್ರ ಅಭಿನಯ ಶ್ರೀಮತಿ ಸಿನಿಮಾದಲ್ಲಿ ಸೋನಿಯಾ ರಾಯ್ ಪಾತ್ರದ ಮೂಲಕ ಕನ್ನಡಿಗರಿಗೆ ಪರಿಚಿತವಾಗಿದ್ದ ಬಾಲಿವುಡ್ ನಟಿ ಸೆಲಿನಾ ಜೇಟ್ಲಿ ಕೌಟುಂಬಿಕ ಕಲಹ ಕೋರ್ಟ್ ಮೆಟ್ಟಿಲೇರಿದೆ.
ಮುಂಬೈ ನ್ಯಾಯಾಲಯದಲ್ಲಿ ತಮ್ಮ ಪತಿ ಪೀಟರ್ ಹಾಗ್ ವಿರುದ್ಧ ಕೌಟುಂಬಿಕ ಹಿಂಸಾಚಾರದ ಆರೋಪದ ಪ್ರಕರಣ ದಾಖಲಿಸಿ ₹50 ಕೋಟಿ ಪರಿಹಾರ ಮತ್ತು ಮಕ್ಕಳ ಪಾಲನೆಗೆ ಅರ್ಜಿ ಸಲ್ಲಿಸಿದ್ದಾರೆ.
ಉದ್ಯಮಿಯಾಗಿರುವ ಪೀಟರ್ ಹಾಗ್ ಜೊತೆ ನಟಿ ಸೆಲಿನಾ ಜೇಟ್ಲಿ 2011ರಲ್ಲಿ ವಿವಾಹವಾಗಿದ್ದರು. 2012ರಲ್ಲಿ ಅವಳಿ ಮಕ್ಕಳಿಗೆ ಜನ್ಮವನ್ನು ನೀಡಿದರು. ಆ ನಂತರ 2017ರಲ್ಲಿ ಇನ್ನೊಮ್ಮೆ ಸೆಲಿನಾ ಗರ್ಭಿಣಿಯಾದರು. ಮತ್ತೊಮ್ಮೆ ಅವಳಿ ಮಕ್ಕಳಿಗೆ ಜನ್ಮ ನೀಡಿದರು.ಆದರೆ, ಇದರಲ್ಲಿ ಒಂದು ಮಗುವಿಗೆ ಹೈಪೋಪ್ಲಾಸ್ಟಿಕ್ ಹೃದಯ ಖಾಯಿಲೆ ಇದ್ದ ಕಾರಣಕ್ಕೆ ಕೆಲ ದಿನಗಳಲ್ಲಿಯೇ ಸಾವು ಕಂಡಿತ್ತು.
ಮಾನಸಿಕ, ದೈಹಿಕ ಹಲ್ಲೆ ಮತ್ತು ಜನಾಂಗೀಯ ನಿಂದನೆಯಿಂದ ನಾನು ಬೇಸತ್ತಿದ್ದೇನೆ. ಇದರಿಂದಾಗಿ ನಾನು ನನ್ನ ಮೂವರು ಮಕ್ಕಳನ್ನು ಆಸ್ಟ್ರಿಯಾದಲ್ಲೇ ಬಿಟ್ಟು ನಾನು ಭಾರತಕ್ಕೆ ಓಡಿ ಬರಬೇಕಾಯ್ತು. ಅಷ್ಟೇ ಅಲ್ಲ ನನ್ನ ಮೂವರು ಮಕ್ಕಳು ಸದ್ಯ ಪೀಟರ್ ವಶದಲ್ಲಿದ್ದಾರೆ. ನನ್ನ ಮೂವರು ಮಕ್ಕಳ ಜೊತೆ ಮಾತನಾಡಲು ನನಗೆ ಅವಕಾಶ ನೀಡುತ್ತಿಲ್ಲ ಎಂದು ಸೆಲೀನಾ ಅಳಲು ತೋಡಿಕೊಂಡಿದ್ದಾರೆ.
