newsics.com
ಅಕ್ಟೋಬರ್ 1, 2025 ರಿಂದ ಜನರಲ್ ಟಿಕೆಟ್ ಬುಕಿಂಗ್ಗೆ ಆಧಾರ್-ಸಂಯೋಜಿತ IRCTC ಖಾತೆ ಕಡ್ಡಾಯವಾಗಲಿದೆ. ರೈಲ್ವೇ ಇಲಾಖೆ ಸಂಬಂಧಪಟ್ಟ ಆ್ಯಪ್, ವೆಬ್ಸೈಟ್ಗಳಲ್ಲಿ ಆಧಾರ್ ದೃಢೀಕರಣ ಪೂರ್ಣಗೊಳಿಸಿದ ಜನರು ಮಾತ್ರ ಬುಕಿಂಗ್ ತೆರೆದ ನಂತರ ಮೊದಲ 15 ನಿಮಿಷಗಳಲ್ಲಿ ಆನ್ಲೈನ್ನಲ್ಲಿ ಟಿಕೆಟ್ಗಳನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ. ಈ ನಿಯಮವು IRCTC ವೆಬ್ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್ ಎರಡಕ್ಕೂ ಅನ್ವಯಿಸುತ್ತದೆ.
ಟಿಕೆಟ್ ಬುಕಿಂಗ್ ಪ್ರಾರಂಭವಾದ ತಕ್ಷಣ, ಏಜೆಂಟ್ಗಳು ಅಥವಾ ಸಾಫ್ಟ್ವೇರ್ ಸಹಾಯದಿಂದ ಸೀಟುಗಳನ್ನು ಮುಂಚಿತವಾಗಿ ಕಾಯ್ದಿರಿಸಲಾಗುತ್ತದೆ, ಇದರಿಂದ ಅನೇಕ ಪ್ರಯಾಣಿಕರು ಟಿಕೆಟ್ ಬುಕಿಂಗ್ನಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಆದ್ರೆ ಇನ್ಮುಂದೆ ನಿಜವಾಗಿಯೂ ಟಿಕೆಟ್ ಅಗತ್ಯ ಇರುವವರು ತಕ್ಷಣ ಟಿಕೆಟ್ಗಳನ್ನು ಬುಕ್ ಮಾಡಬಹುದು.
ಟಿಕೆಟ್ ತೆರೆದ ಮೊದಲ 10 ನಿಮಿಷಗಳ ಕಾಲ ಅಧಿಕೃತ ಏಜೆಂಟ್ಗಳು (ಮೆಂಬರ್ಶಿಪ್ ಪಡೆದವರು) ಟಿಕೆಟ್ ಬುಕ್ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ರೈಲ್ವೆ ಸ್ಪಷ್ಟಪಡಿಸಿದೆ. ಈ ನಿಯಮ ಈಗಾಗಲೇ ಜಾರಿಯಲ್ಲಿತ್ತು ಮತ್ತು ಭವಿಷ್ಯದಲ್ಲಿಯೂ ಮುಂದುವರಿಯುತ್ತದೆ ಎಂದು ಹೇಳಿದೆ. ಅಂದರೆ ಇದರರ್ಥ ಟಿಕೆಟ್ಗಳನ್ನು ಬುಕ್ ಮಾಡುವ ಸೌಲಭ್ಯ ಮೊದಲು ಸಾರ್ವಜನಿಕರಿಗೆ ತೆರೆಯಲಾಗುತ್ತದೆ.
