newsics.com
ಬೀಜಿಂಗ್: ಅಮೆರಿಕದಲ್ಲಿ ಚೀನಾ ಸಾಮಗ್ರಿಗಳ ಮೇಲೆ ಇತ್ತೀಚೆಗೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಶೇ. 104% ತೆರಿಗೆ ಹೇರಿದ್ದರು. ಇದೀಗ ಚೀನಾದ ಹಣಕಾಸು ಸಚಿವಾಲಯವು ಎಲ್ಲಾ ಅಮೆರಿಕನ್ ಸರಕುಗಳ ಮೇಲೆ 84% ರಷ್ಟು ಪ್ರತಿಸುಂಕವನ್ನು ವಿಧಿಸಿದೆ.
ಈ ಹೊಸ ಶುಲ್ಕಗಳು ಏ.10 ರಿಂದ ಜಾರಿಗೆ ಬರಲಿವೆ ಎಂದು ಸಚಿವಾಲಯ ತಿಳಿಸಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಚೀನಾದ ಸರಕುಗಳ ಮೇಲೆ 104% ರಷ್ಟು ಟ್ಯಾರಿಫ್ ವಿಧಿಸಿದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ.
ಕಳೆದ ಶುಕ್ರವಾರ, ಟ್ರಂಪ್ ಅವರ ‘ವಿಮೋಚನಾ ದಿನ’ ಸುಂಕಗಳಿಗೆ ಪ್ರತಿಯಾಗಿ, ಚೀನಾ ಅಮೆರಿಕದಿಂದ ಆಮದು ಮಾಡಿಕೊಳ್ಳುವ ಎಲ್ಲಾ ಸರಕುಗಳ ಮೇಲೆ 34% ರಷ್ಟು ಸುಂಕವನ್ನು ಘೋಷಿಸಿತು. ಟ್ರಂಪ್ ಅವರ 104% ರಷ್ಟು ಟ್ಯಾರಿಫ್ ಜಾರಿಗೆ ಬಂದ ನಂತರ ಚೀನಾ, ಅಮೆರಿಕದ್ದು ದುರಹಂಕಾರ ಮತ್ತು ಬೆದರಿಸುವ ನಡವಳಿಕೆ ಎಂದು ಜರಿದಿತ್ತು.ಇದು ಅಮೆರಿಕ ಮತ್ತು ಚೀನಾ ನಡುವಿನ ವ್ಯಾಪಾರ ಸಮರವನ್ನು ಮತ್ತಷ್ಟು ತೀವ್ರಗೊಳಿಸಿದೆ.
https://www.newsics.com/2025/04/09/boxer-mary-kom-puts-a-full-stop-to-her-married-life/
