newsics.com
ಬಿಗ್ ಬಾಸ್ ಕನ್ನಡ 11ನೇ ಸೀಸನ್ನಲ್ಲಿ 50 ಲಕ್ಷ ರೂ. ಗೆದ್ದು ಟ್ರೋಫಿ ಪಡೆಯುವವರು ಯಾರು ಎಂಬ ಕುತೂಹಲ ಇನ್ನೂ ಇರುವಾಗಲೇ ಮನೆಯಿಂದ ಮೋಕ್ಷಿತಾ ಪೈ ಹೊರಬಂದಿದ್ದಾರೆ.
ಭಾನುವಾರದ ಸಂಚಿಕೆಯಲ್ಲಿ ಮೊದಲಿಗೆ ಉಗ್ರಂ ಮಂಜು ಹೊರಬಂದು 4ನೇ ರನ್ನರ್ ಅಪ್ ಆಗಿದ್ದರು. ಇದೀಗ ಇಂದಿನ ಸಂಚಿಕೆಯಲ್ಲಿ ಮಂಜು ಬಳಿಕ ಮೋಕ್ಷಿತಾ ಹೊರಬಂದಿದ್ದು 3ನೇ ರನ್ನರ್ ಅಪ್ ಆಗಿದ್ದಾರೆ.
ಶನಿವಾರದ ಸಂಚಿಕೆಯಲ್ಲಿ ಭವ್ಯಾ ಗೌಡ ಮನೆಯಿಂದ ಔಟ್ ಆಗಿ 5ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದರು.
3ನೇ ರನ್ನರ್ ಅಪ್ ಆಗಿ ಹೊರಬಂದ ಮೋಕ್ಷಿತಾ ಅವರಿಗೆ ಒಟ್ಟು 27 ಲಕ್ಷ ರೂ. ಬಹುಮಾನ ದೊರೆಯಿತು. ಇದರ ಜತೆಗೆ ಅವರಿಗೆ ಭಾರೀ ಸಂಭಾವನೆ ಕೂಡ ಸಿಕ್ಕಿದೆ. ಮೂಲಗಳ ಪ್ರಕಾರ ವಾರಕ್ಕೆ 60 ಸಾವಿರ ರೂ. ಸಂಭಾವನೆ ಪಡೆಯುತ್ತಿದ್ದರಂತೆ, ಇದು ಬಿಗ್ ಬಾಸ್ ಸೀಸನ್ 11ರಲ್ಲಿ ಎರಡನೇ ಅತಿ ಹೆಚ್ಚು ಸಂಭಾವನೆ ಆಗಿದೆ. ಅದರಂತೆ ಲೆಕ್ಕ ಹಾಕಿದರೆ 10 ಲಕ್ಷ 20 ಸಾವಿರವಾಗುತ್ತದೆ.
ಇದೀಗ ಪ್ರಶಸ್ತಿ ರೇಸ್ನಲ್ಲಿ ಕೇವಲ ಮೂವರು ಜನ ಅಂದರೆ ತ್ರಿವಿಕ್ರಮ್ , ರಜತ್ ಮತ್ತು ಹನುಮಂತ ಅವರು ಮನೆಯೊಳಗಿದ್ದಾರೆ. ಇದೀಗ ಮೋಕ್ಷಿತಾ ಅವರು ಮನೆಯಿಂದ ಹೊರಬರುವ ಮೂಲಕ ಈ ಸೀಸನ್ ನಲ್ಲಿ ಕಪ್ ಗೆಲ್ಲುವ ಮಹಿಳಾ ಸ್ಪರ್ಧಿಯ ಕನಸು ನನಸಾಗದೆ ಹಾಗೆಯೇ ಉಳಿದಿದೆ. ಜತೆಗೆ ವೀಕ್ಷಕರಿಗೂ ಬೇಸರ ಆಗಿದೆ. ಕಳೆದ ಹತ್ತು ಬಿಗ್ ಬಾಸ್ ಸೀಸನ್ಗಳಲ್ಲಿ ಕೇವಲ ಒಬ್ಬ ಮಹಿಳಾ ಸ್ಪರ್ಧಿ ಬಿಗ್ ಬಾಸ್ ಟ್ರೋಫಿ ಎತ್ತಿ ಹಿಡಿದಿದ್ದರು. ಅದು ಬೇರೆ ಯಾರೂ ಅಲ್ಲ ಖ್ಯಾತ ನಟಿ ಶ್ರುತಿ. ಶ್ರುತಿಯವರನ್ನು ಹೊರತುಪಡಿಸಿ ಯಾವುದೇ ಮಹಿಳಾ ಸ್ಪರ್ಧಿ ವಿನ್ನರ್ ಆಗಿಲ್ಲ.
BBK 11 Finale ಬಿಗ್ ಬಾಸ್ ಕನ್ನಡ 11 ಮನೆಯಿಂದ ಹೊರಬಂದ ಉಗ್ರಂ ಮಂಜು, ಮೋಕ್ಷಿತಾ ಪೈ, ಮುಂದಿನ ಸರದಿ ರಜತ್ ಕಿಶನ್?
King is back | ನಾನೀಗ ಸೂಪರ್, ‘ಕಿಂಗ್ ಈಸ್ ಬ್ಯಾಕ್’ ಎಂದ ಹ್ಯಾಟ್ರಿಕ್ ಹೀರೋ ಶಿವಣ್ಣ
