ಎಷ್ಟೇ ಕ್ಲೀನ್‌ ಮಾಡಿದ್ರು ಮಿಕ್ಸಿ ಜಾರಿನ ಕೊಳೆ ಹೋಗ್ತಿಲ್ವಾ? ; ಈ ರೀತಿ ಸುಲಭವಾಗಿ ಕ್ಲೀನ್ ಮಾಡಿ

newsics.com
ರುಚಿರುಚಿಯಾದ ದೋಸೆಹಿಟ್ಟು ಮಾಡಿಕೊಳ್ಳಲು, ಮಸಾಲೆ ರುಬ್ಬಿಕೊಳ್ಳಲು, ಬಾಯಾರಿದಾಗ ಜ್ಯೂಸ್‌, ಮಿಲ್ಕ್‌ಶೇಕ್‌ ತಯಾರಿಸಲು ಹೀಗೆ ಅಡುಗೆ ಕೆಲಸಗಳನ್ನು ಸುಲಭಗೊಳಿಸುವಲ್ಲಿ ಮಿಕ್ಸರ್ ಗ್ರೈಂಡರ್‌ನ ಪಾತ್ರ ಬಹಳ ಮುಖ್ಯವಾದುದು. ನಿತ್ಯವೂ ಮಿಕ್ಸರ್ ಗ್ರೈಂಡರ್ ಬಳಸುವ ನಾವು . ಜಾರ್ ನ್ನು ಕ್ಲೀನ್ ಮಾಡೋದ್ರಲ್ಲಿ ಪರದಾಡುತ್ತೇವೆ.. ಆದ್ರೆ ಈ ರೀತಿ ಟ್ರೈ ಮಾಡಿ ಸುಲಭವಾಗಿ ಕ್ಲೀನ್ ಮಾಡಬಹುದು..

ಹೌದು, ಜಾರ್ ನ್ನು ಸರಿಯಾಗಿ ಶುಚಿ ಮಾಡಲು ಸ್ವಲ್ಪ ಲಿಕ್ವಿಡ್ ಡಿಟರ್ಜೆಂಟ್ ನ್ನು ಮಿಕ್ಸರ್ ಗೆ ಹಾಕಿ ಅದನ್ನು ಆನ್ ಮಾಡಿ. ಇದು ಸುಲಭವಾಗಿ ಕೊಳೆ ತೆಗೆಯುವುದು. ಇದರ ಹೊರಗಿನ ಭಾಗ ಶುಚಿ ಮಾಡಲು ಫಾಮ್ ಲಿಕ್ವಿಡ್ ಬಳಕೆ ಮಾಡಬಹುದು.

ಇನ್ನು ನೀರಿನೊಂದಿಗೆ ಸ್ವಲ್ಪ ವಾಷಿಂಗ್ ಪೌಡರ್ ನ್ನು ಹಾಕಿಕೊಂಡು ಮಿಶ್ರಣ ಮಾಡಿ. ಇದರಲ್ಲಿ ಸ್ಪಾಂಜ್ ನ್ನು ಅದ್ದಿಡಿ ಮತ್ತು ಜಾರ್ ನ ಹೊರಗೆ ಮತ್ತು ಒಳಗೆ ಇದರಿಂದ ಉಜ್ಜಿ. ನಲ್ಲಿ ನೀರಿನಲ್ಲಿ ಈ ಜಾರ್ ನ್ನು ತೊಳೆಯಿರಿ. ಈಗ ಜಾರ್ ನ್ನು ಮತ್ತೆ ಬಳಸಬಹುದು.

ಇನ್ನೊಂದು, ಪರಿಹಾರ ಅಂದ್ರೆ ನೀರು ಮತ್ತು ಅಡುಗೆ ಸೋಡಾ ಹಾಕಿ ಪೇಸ್ಟ್ ಮಾಡಿಕೊಳ್ಳಿ. ಇದನ್ನು ಜಾರ್ ನ ಒಳಗೆ ಹಾಗೂ ಹೊರಗಡೆ ಹಚ್ಚಿ. 15 ನಿಮಿಷ ಇದು ಹಾಗೆ ಇರಲಿ. ಈಗ ಒದ್ದೆ ಬಟ್ಟೆ ಬಳಸಿಕೊಂಡು ಜಾರ್ ನ್ನು ಒರೆಸಿಕೊಳ್ಳಿ ಮತ್ತು ಇದರ ಬಳಿಕ ನಲ್ಲಿ ನೀರಿನಿಂದ ತೊಳೆಯಿರಿ.
ನೀರಿನೊಂದಿಗೆ ಸ್ವಲ್ಪ ಆಲ್ಕೋಹಾಲ್ ನ್ನು ಬೆರೆಸಿಕೊಳ್ಳಿ. ಸ್ಪಾಂಜ್ ಬಳಸಿಕೊಂಡು ಇದನ್ನು ಜಾರ್ ಗೆ ಹಚ್ಚಿಕೊಳ್ಳಿ. ಐದು ನಿಮಿಷ ಕಾಲ ಹಾಗೆ ಬಿಡಿ. ಇದರ ಬಳಿಕ ನಲ್ಲಿ ನೀರಿನಿಂದ ತೊಳೆಯಿರಿ. ಅಷ್ಟೇ ಅಲ್ಲ, ಬ್ಲೇಡ್ ನ್ನು ಹರಿತವಾಗಿಡಲು ಉಪ್ಪನ್ನು ಬಳಕೆ ಮಾಡಬಹುದು. ಸ್ವಲ್ಪ ಕಲ್ಲುಪ್ಪನ್ನು ಜಾರಿನ ಒಳಗೆ ಹಾಕಿ ಅದನ್ನು ಆನ್ ಮಾಡಿ. ಹೀಗೆ ಕೆಲವು ಸಲ ಮಾಡಿದರೆ ಆಗ ಬ್ಲೇಡ್ ಗಳು ತುಂಬಾ ಹರಿತವಾಗುವುದು.