newsics.com
ಪ್ರೀತಿಯಲ್ಲಿ ಬಿದ್ದ ಪ್ರೇಮ ಹಕ್ಕಿಗಳಿಗೆ ಇಲ್ಲೊಂದು ಪ್ರಶ್ನೆ ಇದೆ. ಹೌದು, ಜಗತ್ತಿನಲ್ಲಿ ನಡೆಯುವ ಲಕ್ಷಾಂತರ ಪ್ರೇಮ ಪ್ರಕರಣಗಳಲ್ಲಿ ಮೊದಲು ಪ್ರಪೋಸ್ ಮಾಡಿರೋದು ಹುಡುಗರೇ ಅಂತೆ. ಆದರೂ, ಇಂದು ಕಾಲ ಬದಲಾಗಿದೆ! ಹೆಣ್ಮಕ್ಕಳು ಕೂಡ ಲವ್ ಪ್ರಪೋಸ್ ಮಾಡಲು ಹಿಂದೇಟು ಹಾಕಲ್ಲ. ಆದರೂ ಹೆಚ್ಚಾಗಿ ಮೊದಲು ಪ್ರಪೋಸ್ ಮಾಡೋದು ಗಂಡು ಮಕ್ಕಳೇ.
ಹೆಚ್ಚಿನ ಹುಡುಗಿಯರು ಪ್ರೇಮ ನಿವೇದನೆಯನ್ನ ಮೊದಲ ಬಾರಿಗೆ ವ್ಯಕ್ತಪಡಿಸಲು ಹಿಂದೇಟು ಹಾಕ್ತಾರೆ. ಕೆಲವು ತಜ್ಞರ ಪ್ರಕಾರ.. ಈ ವಿಚಾರದಲ್ಲಿ ಹುಡುಗಿಗೆ ಪ್ರೀತಿಯಾಗಿದ್ದರೂ ಹುಡುಗನೇ ಆ ಜವಾಬ್ದಾರಿ ತೆಗೆದುಕೊಳ್ಳಬೇಕು ಅಂತಾ ಬಯಸುತ್ತಾಳಂತೆ. ಅದಕ್ಕೆ ಆಸಕ್ತಿದಾಯಕ ಕಾರಣಗಳು ಹೀಗಿವೆ.
ಪ್ರೀತಿಯ ನಿವೇದನೆ ತೋಡಿಕೊಂಡಾಗ ಆತ ನಿರಾಕರಣೆ ಮಾಡಿಬಿಟ್ಟರೆ ಎಂಬ ಅಳುಕು ಅವರಲ್ಲಿ ಇರುತ್ತದೆ. ಹೆಣ್ಮಕ್ಕಳು ಯಾವತ್ತೂ ಈ ನಿರಾಕರಣೆಯನ್ನು ಬಯಸಲ್ಲ. ಒಂದು ವೇಳೆ ಹುಡುಗ ಲವ್ ಪ್ರಪೋಸಲ್ ಒಪ್ಪಿಕೊಂಡಿಲ್ಲ ಅಂದರೆ ಅದಕ್ಕಿಂತ ದೊಡ್ಡ ಆಘಾತ ಮತ್ತೊಂದಿಲ್ಲ ಎಂಬ ಭಾವನೆ ಹೆಣ್ಮಕ್ಕಳದ್ದಾಗಿರುತ್ತದೆ.
ಹುಡುಗಿ ಮೊದಲು ಹುಡುಗನಿಗೆ ಪ್ರಪೋಸ್ ಮಾಡುವುದನ್ನು ತಪ್ಪಿಸಿಕೊಳ್ತಾಳೆ. ಹುಡುಗಿಯೇ ಪ್ರಪೋಸ್ ಮಾಡಿದರೆ ಆತ ನನ್ನನ್ನು ಗೌರವಿಸುತ್ತಾನೋ ಇಲ್ಲವೋ ಎಂಬ ಭಯ ಇರುತ್ತದೆಯಂತೆ.
ಹುಡುಗಿಯರು ಯಾವಾಗಲೂ ವಿಶೇಷ ಭಾವನೆ ಹೊಂದಲು ಬಯಸುತ್ತಾರೆ. ತನಗೆ ಸಾಕಷ್ಟು ಅಭಿಮಾನಿಗಳಿದ್ದಾರೆ ಎಂದು ಆಕೆ ಭಾವಿಸ್ತಾಳೆ. ಪ್ರತಿಯೊಬ್ಬ ಹೆಣ್ಮಕ್ಕಳು ಕೂಡ ಇಂಥ ಭಾವನೆ ಹೊಂದಿರುತ್ತಾರೆ. ಜೊತೆಗೆ ತಮ್ಮ ಆದ್ಯತೆಯನ್ನು ಬಯಸುತ್ತಾರೆ. ಅದಕ್ಕಾಗಿಯೇ ಮೊದಲು ಪ್ರೀತಿಯನ್ನು ವ್ಯಕ್ತಪಡಿಸುವುದನ್ನು ತಪ್ಪಿಸಿಕೊಳ್ತಾರೆ.
ನೇರವಾಗಿ ಮಾತನಾಡುವ ಹುಡುಗಿ ಕಂಡರೆ ಅವಳು ಸಖತ್ ಬೋಲ್ಡ್ ಅನ್ನೋರು ಜಾಸ್ತಿ. ಈ ಹಣೆಪಟ್ಟಿಯಿಂದ ದೂರು ಇರಲು ಕೆಲವು ಹೆಣ್ಮಕ್ಕಳು ಬಯಸುತ್ತಾರಂತೆ. ಮೊದಲು ಪ್ರಪೋಸ್ ಮಾಡುವ ಹುಡುಗಿಯರಿಗೆ ಬೋಲ್ಡ್ ಎಂಬ ಟ್ಯಾಗ್ ನೀಡಲಾಗುತ್ತದೆ.
ಹುಡುಗರು ಯಾವಾಗಲೂ ತಮ್ಮ ಭಾವನೆಗಳನ್ನು ಹುಡುಗಿಯರಿಗೆ ಹೇಳುತ್ತಿರುತ್ತಾರೆ. ಒಬ್ಬ ಹುಡುಗ ತನ್ನ ಪ್ರೀತಿಯನ್ನು ಪಡೆಯಲು ವಿಭಿನ್ನ ಕೆಲಸಗಳನ್ನು ಮಾಡಿದರೆ, ಆತನನ್ನು ರೊಮ್ಯಾಂಟಿಕ್ ಎಂದು ಕರೆಯುತ್ತಾರೆ. ಆದರೆ ಹುಡುಗಿ ಅದೇ ಕೆಲಸ ಮಾಡಿದ್ರೆ ಜನ ಆಕೆಯನ್ನು ಬೇರೆ ಬೇರೆ ರೀತಿಯಲ್ಲಿ ನಿಂದಿಸುವ ಪದಗಳಿಂದ ಜನ ನೋಡ್ತಾರೆ. ಈ ಎಲ್ಲಾ ಕಾರಣಗಳಿಂದಾಗಿ ಹುಡುಗಿಯರು ಭಾವನೆಗಳನ್ನು ಮೊದಲು ವ್ಯಕ್ತಪಡಿಸುವುದಿಲ್ಲ.
