newsics.com
ನವದೆಹಲಿ: ಯುವತಿಯೊಬ್ಬಳು ಭಯಂಕರ ಕಣಿವೆಯಲ್ಲಿ ರೀಲ್ಸ್ ಮಾಡಲು ಹೋಗಿ ಹಿಡಿತ ಕಳೆದುಕೊಂಡು ಏಕಾಏಕಿ ಕಣಿವೆಗೆ ಬಿದ್ದಿದ್ದಾಳೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಏನಿದೆ?: ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ವೀಡಿಯೋದಲ್ಲಿ ಯುವತಿಯೊಬ್ಬಳು ಬೆಟ್ಟದಿಂದ ಇಳಿದು ಚಿಕ್ಕ ಕಲ್ಲಿನ ಮೇಲೆ ನಿಂತಿರುವುದು ಕಂಡು ಬಂದಿದೆ. ಅವಳು ಅಲ್ಲಿ ತನ್ನ ದುಪಟ್ಟಾವನ್ನು ಗಾಳಿಯಲ್ಲಿ ಬೀಸುತ್ತಿದ್ದಾಳೆ. ವೀಡಿಯೋ ಮಾಡುತ್ತಿರುವ ತನ್ನ ಸ್ನೇಹಿತೆ ಹಿಡಿದುಕೊಂಡಿರುವ ಕ್ಯಾಮೆರಾ ಬಳಿ ಡ್ಯಾನ್ಸ್ ಮಾಡುತ್ತಾ ಓಡಿ ಬರಲು ಆರಂಭಿಸುತ್ತಾಳೆ. ಕಾಲು ಜಾರಿ ಕೆಳಕ್ಕೆ ಉರುಳಲು ಪ್ರಾರಂಭಿಸುತ್ತಾಳೆ. ನಂತರ ಏನಾಯಿತು ಎಂಬುದು ವೀಡಿಯೊದಲ್ಲಿ ಗೋಚರಿಸುವುದಿಲ್ಲ. ಸದ್ಯಕ್ಕೆ ಈ ವಿಡಿಯೋ ವೈರಲ್ ಆಗುತ್ತಿದೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆ ನೆಟಿಜನ್ಗಳು ಯುವತಿಗೆ ಛೀಮಾರಿ ಹಾಕಿದ್ದು, ಅಪಾಯಕಾರಿ ಸ್ಥಳದಲ್ಲಿ ವಿಡಿಯೋ ತೆಗೆಯುವುದು ಅಗತ್ಯ ಇತ್ತಾ ಎಂದು ಪ್ರಶ್ನೆ ಮಾಡಿದ್ದಾರೆ.
https://twitter.com/RealBababanaras/status/1835330914609418598
ನಾನು ಸಂಪೂರ್ಣವಾಗಿ ಕಣಿವೆಗೆ ಬಿದ್ದಿಲ್ಲ ಮತ್ತು ಸಣ್ಣಪುಟ್ಟ ಗಾಯಗಳೊಂದಿಗೆ ಬದುಕುಳಿದಿದ್ದೇನೆ ಎಂದು ಪೂಜಾ ಮತ್ತೊಂದು ವಿಡಿಯೋವನ್ನು ಬಿಡುಗಡೆ ಮಾಡಿದ್ದಾರೆ. ವೀಡಿಯೋ ಚಿತ್ರೀಕರಣ ಮಾಡುವಾಗ ಎಡವಿ ಕೆಳಗೆ ಬಿದ್ದೆ ಎಂದು ವಿಡಿಯೋದಲ್ಲಿ ಹೇಳಿದ್ದಾಳೆ. ಆದರೆ ಸ್ವಲ್ಪದರಲ್ಲೇ ಅಪಘಾತ ತಪ್ಪಿದ್ದು, ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದೇನೆ ಎಂದು ವಿಡಿಯೋದಲ್ಲಿ ಹೇಳಿದ್ದಾಳೆ.
