newsics.com
ಚಿತ್ರರಂಗದ ಸೆಲೆಬ್ರಿಟಿಗಳು ಭಾರಿ ರಿಯಲ್ ಎಸ್ಟೇಟ್ ಸಂಗ್ರಹಿಸುತ್ತಾರೆ. ದುಬಾರಿ ಬೆಲೆಯ ವಿಲ್ಲಾ, ಪ್ಲಾಟ್ ಗಳನ್ನು ಖರೀದಿಸಿ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ಕೆಲವರು ವೈಯಕ್ತಿಕ ಬಳಕೆಗಾಗಿ ವಿಮಾನಗಳು, ಹೆಲಿಕಾಪ್ಟರ್ಗಳು ಮತ್ತು ವಿಶೇಷ ದೋಣಿಗಳನ್ನು ಖರೀದಿಸುತ್ತಾರೆ. ಆದರೆ ಬಾಲಿವುಡ್ ನಟಿಯೊಬ್ಬರು ಖಾಸಗಿ ದ್ವೀಪವನ್ನು ಹೊಂದಿದ್ದಾರೆ.
ಹೌದು, ತನ್ನದೇ ಆದ ದ್ವೀಪವನ್ನು ಹೊಂದಿರುವ ಬಾಲಿವುಡ್ ನಟಿ ಬೇರೆ ಯಾರೂ ಅಲ್ಲ, ಜಾಕ್ಲಿನ್ ಫರ್ನಾಂಡಿಸ್. ಸಾಮಾನ್ಯವಾಗಿ ಅತ್ಯಂತ ಶ್ರೀಮಂತರು ಮಾತ್ರ ಖಾಸಗಿ ದ್ವೀಪಗಳನ್ನು ಖರೀದಿಸುತ್ತಾರೆ. ಆದರೆ ಕಿಚ್ಚನಿಗೆ ಜೋಡಿಯಾಗಿದ್ದ ಈ ಚೆಲುವೆ ಬಳಿ ಪ್ರೈವೆಟ್ ಐಲ್ಯಾಂಡ್ ಇದೆ. ಕೇವಲ ಮೂವರು ಬಾಲಿವುಡ್ ಸೆಲೆಬ್ರಿಟಿಗಳು ತಮ್ಮದೇ ಆದ ಖಾಸಗಿ ದ್ವೀಪಗಳನ್ನು ಹೊಂದಿದ್ದಾರೆ. ಅವರಲ್ಲಿ ಶ್ರೀಲಂಕಾದ ಬಾಲಿವುಡ್ ನಟಿ ಜಾಕ್ಲಿನ್ ಫರ್ನಾಂಡೀಸ್ ಕೂಡ ಒಬ್ಬರು.
ಮರ್ಡರ್ 2, ಹೌಸ್ಫುಲ್ 2, ರೇಸ್ 2, ಕಿಕ್ನಂತಹ ಹಿಟ್ ಸಿನಿಮಾಗಳಲ್ಲಿ ನಟಿಸಿದ ಜಾಕ್ವೆಲಿನ್ಗೆ ಉತ್ತಮ ಮನ್ನಣೆ ಸಿಕ್ಕಿತು. 2011-14ರ ನಡುವೆ ಆಕೆ ನಟಿಸಿದ ಚಿತ್ರಗಳು ಸತತ ಹಿಟ್ ಆಗಿದ್ದವು. ಬಾಕ್ಸ್ ಆಫೀಸ್ ನಲ್ಲಿ ಹಣದ ಮಳೆ ಸುರಿಯಿತು. ಇದರಿಂದ ಜಾಕ್ಲಿನ್ ಟಾಪ್ ಹೀರೋಯಿನ್ ಆದರು. ಆದರೆ ಇತ್ತೀಚೆಗಷ್ಟೇ ಆಕೆಯ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಸದ್ದು ಮಾಡಲಿಲ್ಲ. ಜಾಕ್ಲಿನ್ ಅವರ ಕೊನೆಯ ಹಿಟ್ ಚಿತ್ರ ಹೌಸ್ಫುಲ್ 3. ಇದು 2016 ರಲ್ಲಿ ಬಿಡುಗಡೆಯಾಯಿತು.
ಜಾಕ್ಲಿನ್ ತನ್ನ ಚಿತ್ರರಂಗದಲ್ಲಿ ಏರಿಳಿತಗಳನ್ನು ಕಂಡಿದ್ದಾರೆ. ಇದುವರೆಗೆ ಆಕೆಯ ಏಳು ಚಿತ್ರಗಳು ಫ್ಲಾಪ್ ಆಗಿದ್ದರೆ ಇನ್ನು ಕೆಲವು ಹಿಟ್ ಆಗಿವೆ. ಅವರು ಕೊನೆಯದಾಗಿ 2022 ರ ಬಾಕ್ಸ್ ಆಫೀಸ್ ಬಾಂಬ್ ಸರ್ಕಸ್ನಲ್ಲಿ ನಟಿಸಿದ್ದಾರೆ. ಅವರು 2023 ರ ಚಲನಚಿತ್ರ ಸೆಲ್ಫಿಯಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡರು. ಜಾಕ್ಲಿನ್ ಪ್ರಸ್ತುತ ಅಕ್ಷಯ್ ಕುಮಾರ್ ಅವರ ಬಹುತಾರಾಗಣದ ಹಾಸ್ಯ ಚಿತ್ರ ‘ವೆಲ್ ಕಮ್ ಟು ದಿ ಜಂಗಲ್’ ನಲ್ಲಿ ನಟಿಸುತ್ತಿದ್ದಾರೆ.
