newsics.com
ಮಲಯಾಳಂ ಚಲನಚಿತ್ರೋದ್ಯಮದಲ್ಲಿ ಕಾಸ್ಟಿಂಗ್ ಕೌಚ್ ಮತ್ತು ನಟಿಯರ ಮೇಲೆ ಲೈಂಗಿಕ ದೌರ್ಜನ್ಯವನ್ನು ಬಯಲು ಮಾಡಿದ ಹೇಮಾ ಆಯೋಗದ ವರದಿ ಬಗ್ಗೆ ಮಾತನಾಡಿದ್ದಾರೆ.
ಈ ಕುರಿತು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ ಬೆಂಗಾಲಿ ಚಿತ್ರನಟಿ ರೀತಾಭರಿ ಚಕ್ರವರ್ತಿ, ಬೆಂಗಾಲಿ ಚಲನಚಿತ್ರೋದ್ಯಮದಲ್ಲಿ ಇಂತಹ ಕೃತ್ಯಗಳ ಬಗ್ಗೆ ತನಿಖೆ ಮಾಡಲು ಕೇರಳದಲ್ಲಿ ಹೇಮಾ ಆಯೋಗ ಜಾರಿ ಮಾಡಿದಂತೆ ಇಲ್ಲೂ ಸಮಿತಿಯೊಂದನ್ನು ರಚಿಸಿ ತನಿಖೆ ಮಾಡಬೇಕು ಎಂದು ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿಯವರಿಗೆ ಒತ್ತಾಯಿಸಿದ್ದಾರೆ.
ಹೇಮಾ ಕಮಿಟಿ ವರದಿ ಬಗ್ಗೆ ಕೇಳಿದ ನಂತರ ಏಕೆ ಇದೇ ರೀತಿಯ ಸಮಿತಿಯನ್ನು ಬೆಂಗಾಲಿ ಸಿನಿಮಾ ರಂಗದ ಬಗ್ಗೆ ರಚನೆ ಮಾಡುತ್ತಿಲ್ಲ ಎಂದು ಯೋಚನೆ ಮಾಡುವಂತೆ ಆಗಿದೆ. ಹೇಮಾ ಕಮಿಟಿ ನೀಡಿರುವ ವರದಿಗೂ ನಾವು ಅನುಭವಿಸಿದ ಅಥವಾ ನನ್ನಂತ ಇನ್ಯಾರೋ ನಟಿಯರ ಅನುಭವಕ್ಕೆ ಹತ್ತಿರದ ಹೋಲಿಕೆ ಇದೆ. ಹಲವು ಕನಸುಗಳೊಂದಿಗೆ ಈ ಸಿನಿಮಾರಂಗಕ್ಕೆ ಬರುವ ಯುವ ನಟಿಯರ ಬಗ್ಗೆ ನಮಗೆ ಯಾವುದೇ ಜವಾಬ್ದಾರಿ ಇಲ್ಲವೇ ಮತ್ತು ಇದು ಸಕ್ಕರೆ ಲೇಪಿತ ವೇಶ್ಯಾಗೃಹವಲ್ಲದೆ ಬೇರೇನೂ ಅಲ್ಲ ಎಂದು ರೀತಾಭರಿ ಚಕ್ರವರ್ತಿ ಬೆಂಗಾಲಿ ಸಿನಿರಂಗದ ಬಗ್ಗೆ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ.
ಅಲ್ಲದೇ ತಮ್ಮ ಪೋಸ್ಟನ್ನು ಸಿಎಂ ಮಮತಾ ಬ್ಯಾನರ್ಜಿಯವರಿಗೆ ಟ್ಯಾಗ್ ಮಾಡಿರುವ ರೀತಾಭರಿ, ನಾವು ಕೂಡ ಇಂತಹ ತನಿಖೆಯನ್ನು, ವರದಿಯನ್ನು ಹಾಗೂ ಸುಧಾರಣೆಯನ್ನು ಬಯಸಿದ್ದೇವೆ ಎಂದು ಹೇಳಿದ್ದು, ಯರೊಬ್ಬರ ಹೆಸರನ್ನು ಉಲ್ಲೇಖಿಸದೇ ಬೆಂಗಾಲಿ ಸಿನಿಮೋದ್ಯಮವೂ ಕೂಡ ಇಂತಹದ್ದೇ ನಡವಳಿಕೆಯನ್ನು ಹೊಂದಿದೆ. ಅಲ್ಲಿನವರ ಮುಖವಾಡವನ್ನು ಕೂಡ ಬಯಲಿಗೆಳೆಯಬೇಕು ಎಂದು ಮನವಿ ಮಾಡಿದರು.
